Hvíta-Rússland er skiptist í láglendar sléttur og hæðóttar hásléttur, sem fara þó ekki yfir 300 m hæð yfir sjó.  Í suðurhlutanum eru stór, strjálbýl mýrlendi (Pripyat).  Skógar þekja u.þ.b. 30% landsins.  Fura og birki eru ríkjandi í norðurhlutanum en eik, álmur og hvítt beyki í suðurhlutanum.  Fjöldi stöðuvatna og vatnsfalla er í kringum 4000.  Helztu árnar eru Daugava í norðurhlutanum, Nemunas í vesturhlutanum og Dnepr og þverár hennar og Pripyat, Beregina og Sozh í austur-, mið- og suðurhlutnunum.  Loftslagið er yfirleitt fremur rakt og temprað en þó kaldara og líkist meginlandsloftslagi í austurhlutanum.  Meðal villtra dýra í skógunum eru villisvín og elgir og á mýrlendum svæðum er mikill fjöldi bjóra.  Evrópskir vísundar, sem voru fyrrum í tugþúsundatali í landinu, eru nú í útrýmingarhættu og verndaðir með lögum.