Hvítrússar, sem tala slavneskt mál náskylt rússnesku, eru rúmlega 75% þjóðarinnar (10,3 miljónir 1992).  Lífslíkur frá fæðingu eru u.þ.b. 76 ár.  Rússar eru stærsti minnihlutahópurinn, 13,2%.  Aðrir slíkir eru Úkraínumenn, Pólverjar og Litháar.  Ríkjandi trúarbrögð eru rómversk-katólska en víða eru rétttrúnaðarmenn, einkum í austurhlutanum.  Hagtölur yfir lífslíkur, barnadauða og önnur heilsuvandamál hafa yfirleitt verið á jákvæðum nótum en geislavirkni frá Chernobyl í Úkraínu síðan 1986 hefur gert þær óhagstæðari.

Í síðari heimsstyrjöldinni varð gífurlegt mannfall í landinu, þannig að það tók 25 ár fyrir þjóðina að jafna sig.  Eftir stríðið þöndust þéttbýlisstaðir út í þessu mikla landbúnaðarlandi.  Fjöldi þéttbýlisbúa rúmlega tvöfaldaðist á árunum 1959-89, úr 31% í 65%.  Höfuðborgin Minsk stækkaði hratt (rúmlega 1,6 miljónir 1991).  Aðrar stórar borgir eru Homyel’, Mahilyow, Vitsyebsk, Hrodna, Brest og Babruysk.