Árið 1991 var íbúafjöldi Armeníu rúmlega 3,3 miljónir og einkennist af fólki af sama kynþætti.  Armenar eru fleiri en 90% af íbúunum.  Þetta hlutfall hækkaði verulega við brottflutning fjölda Azerbaijana og aðstreymi armenskra flóttamanna frá azerbaijanska héraðinu Nogorno-Karabakh, þar sem mikil átök áttu sér stað.  Kúrdar og Rússar eru næstfjölmennustu kynþættirnir í lýðveldinu en eru þó aðeins 1½% af heildaríbúafjölda hvor.  Í landinu búa einnig minnihlutahópar Úkraínumanna, Georgíumanna og Grikkja.  Lífslíkur frá fæðingu árið 1989 voru 70 ár og þá bjuggu u.þ.b. 111 manns á hverjum ferkílómetra.  Rúmlega tveir þriðjungar landsmanna búa í þéttbýli.  Stærsta borgin er Yerevan (1,2 miljónir 1990).  Gyumri er næststærst (120 þús.).  Opinbert tungumál landsmanna er armenska, sem er indógermönsk tunga með 38 stafa stafrófi.  Rússneska er einnig útbreidd.  Mestur hluti íbúanna er kristinn.  Armenska rétttrúnaðarkirkjan er ríkjandi.  Margir aðhyllast rússnesku rétttrúnaðarkirkjunnar og nokkuð er um shítamúslima.  Armenskir gyðingar, sem hafa dreifzt víða um fyrrum lýðveldi Sovétríkjanna og BNA og Frakkland, og afkomendur þeirra töldu u.þ.b. 5 miljónir árið 1990.