Aras-áin (Araks = armenska; Rud-e Aras = persneska; Aras Nehri = tyrkneska; Araxes = gríska) á upptök sín sunnan Erzurum í Bingöl Daglarifjöllum í Tyrknesku-Armeníu.  Hún streymir til austurs og myndar 441 km löng landamæri Armeníu, Norður-Tyrklands og Írans.  Handan Jolfa og járnbrauta- og vegamóta í Íran, rennur hún um breiðan dal yfir Mugan steppuna.  Áin er 1072 km löng.  Hún sameinast Kuraánni í Azerbaijan 121 km frá ósum hennar við Kaspíahaf.  Eftir mikil flóð árið 1897 var meira vatni beint um eina kvísl Arasárinnar til Kaspíahafs.  Þar voru grafnir miklir skurðir árið 1909.  Arasáin er straumhörð og óskipgeng og flytur mikinn aur með sér til Kura-Aras-óshólmanna.  Helztu þverár Arasárinnar eru Razkan úr Sevanvatni og Qareh Su, sem á upptök sín í Kuhha-ye Sabalan í íranska hluta Azerbaijan.  Höfuðborg Armeníu, Artaxata (180 f.Kr. – 50 e.Kr.) stóð á eyju í ánni.  Margir hafa haldið því fram, að árdalur Aras sé hinn þjóðsagnakenndi aldingarður Eden.