Hið rússneska nafn þessa armenska fjalls er Gora Aragats (Gora Aragac).  Það er norðvestan Yerevan og norðan Araratsléttunnar.  Það er hæsti hluti Armeníu og Lægri-Kákasusfjallgarðsins (4090m).  Það er kringlótt og líkist helzt hraun- og móbergsdyngju.  Efst er tiltölulega nýleg eldkeila á miklu eldri grunni.  Gígur eldfjallsins er orðinn að hlíðabrattri, ísfylltri lægð með nokkrum smærri jöklum umhverfis.  Í grennd við skörðóttan tindinn eru stórgrýtt beitilönd.  Í hlíðunum eru víða steppur og þurrlendisgróður.  Í suðurhlíðunum eru rústir armenska miðaldakastalans Anberd.