Jizan (Qizan) hét áður At-tihameh.  Hún er hafnarborg í Suðvestur-Sádi-Arabíu við Rauðahaf.  Fyrir ströndinni eru Farasan-eyjar.  Samkvæmt At-T a’if-samningnum frá 1934 varð borgin hluti landsins en Jemen hefur krafizt hennar síða á sjöunda áratugnum.  Jizan er aðalborgin á Tihamah-ströndinni og miðstöð inn- og útflutnings í Asir-héraði.

Umhverfis borgina er gott landbúnaðarland vegna áveitna, sem ríkisstjórnin lét byggja og þarna er nú eitthvert mesta ræktunarsvæði landsins.  Helztu afurðirnar eru hveiti, hrísgrjón, bygg, hirsi og fóðurgras (sorghum).  Útflutningurinn byggist á fóðurgrasfræi, sesamfræi, þurrkuðum fiski, döðlum og salti.  Fiskveiðar, skipasmíði og saltvinnsla eru mikilvægar atvinnugreinar.  Byggingarstíll þessa svæðis byggist á áhrifum frá Ottómönum (Tyrkjum) og Jemen.  Þjóðvegasamband er við frjósamt innlandið og innanlandsflugvöllur tengir borgina við aðra hluta landsins.