Al Jubayl eða Al Hasa er borg í Austurhéraði í Sádi-Arabíu.  Hún er hafnarborg við Persaflóa, u.þ.b 97 km norðan olíuhafnarinnar í Al-Dammam.  Hún hefur þróast úr yfirlætislausu þorpi í mikilvæga nútímaiðnaðarborg.  Líkt og systurborg hennar, Al Jubayl við Rauðahaf, þróaðist hún í tengslum við nýtingu gífurlegra olíu- og gasbirgða landsins.  Þarna risu olíuhreinsunarstöðvar og stálverksmiðjur og ein stærsta verksmiðja, sem framleiður drykkjarvatn úr sjó og rafmagn um leið.  Auk þessara athafna eru framleiddar plastvörur og áburður til útflutnings. 

Aðrar verksmiðjur framleiða neyzluvörur.  Við Al Jubayl er einnig stór stöð sjóhersins, sem lék veigamikið hlutverk í Flóabardaga 1990-91.  Nútímavegir tengja borgina við aðra landshluta og samgöngur í lofti eru góðar.  Meðal áhugaverðra staða í borginni eru rústir kirkju frá snemmkrisnum tímum og upplýsingamiðstöð, þar sem uppbyggingu nútímaborgarinnar eru gerð skil.

Al Jubayl hvorki stór byggð né söguleg.  Hún byggðist í lítilli vin með tveimur lindum og var upphafsstaður einnar aðalleiðarinnar til Riyadh og annarra borga inni í landi vegna hafnaraðstöðunnar.  Höfnin var dýpri en nærliggjandi hafnir og því eftirsóttari kaupskipahöfn en hinar.  Þaðan sóttu og sækja líka perluveiðibátar líka sjóinn.  Perluveiðar voru aðaltekjulindin áður en olíuiðnaðurinn kom til sögunnar.  Árið 1933 kom bandarískir jarðfræðingar frá Arabian Standard Oil Company í Kaliforníu, forvera Aramco (Arabian American Oil Company), til Al Jubayl til að hefja olíuleit og áttu höfuðstöðvar í borginni.  Árið 1975 skipaði Khalid konungur nefnd til að gera áætlanir um tvær borgir byggðar á fjölbreyttum iðnaði, sem drægi úr mikilvægi olíuiðnaðarins í efnahagslífinu.  Uppbygging þessara borga hófst árið 1977 og skömmu eftir 1980 var Al Jabayl orðin mesta byggingarsvæði jarðar.  Í borginni eru falleg íbúðarhverfi norðan iðnaðarhverfanna og íbúarnir hjóta nútímamenntunar, heilsugæzlu og annarrar þjónustu og ýmissa möguleika til afþreyingar.  Búizt var við að íbúum fjölgaði í a.m.k. 100.000 eftir árið 2000 og héldi áfram að vaxa hratt.