Umm
al-Qaywayn er eitt hinna sjö Sameinuðu arabísku furstadæma á Arabíuskaga
við Persaflóa.
Það er fámennast og næstminnst þessara ríkja og nálega þríhyrningslagað.
Umhverfis það eru furstadæmin Ra’s al-Khaymah til norðausturs
og ash-Shariqah að sunnan og vestan.
Í norðvestri er Persaflói en strandlengjan er aðeins 27 km löng
í beinni línu en hún er mjög vogskorin, þannig að útkoman verður
talsvert lengri.
Höfuðborgin er á einu nesjanna á ströndinni.
Hún er eina þéttbýli landsins, sem orð fer af.
Snemma
á 19. öldinni viðurkenndu íbúar furstadæmisins ash-Shariqah sem
herraþjóð sína en leiðtogar hennar voru höfðingjar sjóræningjafjölskyldunnar
Qawasim, sem öllu réði á Persaflóa.
Þá var Umm al-Quaywayn-borg aðsetur sjóræningja.
Bretar skárust í leikinn til að stemma stigu við starfsemi sjóræningjanna
og neyddi Persaflóaríkin til að láta af þessum ósið.
Undirritun samninga þar að lútandi var fyrsta viðurkenning á
sjálfstæði furstadæmisins (1820, 1835, 1853).
Þegar Bretar hurfu á braut 1971 varð Umm al-Qaywayn meðal
stofnríkja bandalags furstadæmanna.
Efnahagur
landsins byggðist á perluköfun og fiskveiðum frá höfuðborginni.
Milli heimstyrjaldanna var höfn hennar ein aðalviðskiptamiðstöðin
á ströndinni.
Hún fylltist síðan af sandi.
Bátasmíðar, sem voru löngum sérstakt fag, eru enn þá
stundaðar.
Höfuðborgin
er í góðu vegasambandi við Ra’s al-Khaymah-borg og Abu Dhabi-borg.
Vinin Falai al-Mu’allá, þar sem mikil döðlurækt fer fram,
er u.þ.b. 32 km frá höfuðborginni.
Að öðru leyti er furstadæmið óbyggð eyðimörk.
Árin 1965-72 var frímerkja sala veruleg tekjulind.
Gasbirgðir
eru í jörðu í furstadæminu en engin olía hefur fundizt enn þá.
Íbúarnir njóta rafmagns og nokkurra annarra nútímaþæginda
en að öðru leyti er þetta óþróaðasta landið í S.a. furstadæmunum.
Heildarflatarmál landsins er í kringum 780 km² og áætlaður
íbúafjöldi 1991 var 27 þúsund. |