Brasov, fyrrum Stalínborg, er höfuðstaður samnefnds héraðs í undirhlíðum Transylvaníualpanna í Rúmeníu.  Hún er miðstöð járnbrautarsamgangna, viðskipta og iðanaðar (vélbúnaður, efnavörur, hljóðfæri og vefnaður (aðallega ull).  Talsvert er unnið af landbúnaðarafurðum til matvælaframleiðslu og olíu frá nærliggjandi olíusvæðum.  Brasov er einnig ferðamannastaður allt árið (vetraríþróttir).  Meðal áhugaverðra staða eru rústir kastala frá 1553, 14. aldar kirkja mótmælenda frá 14. öld, Bartólómeusarkirkjan (13. öld) og ráðhúsið (1420).  Þarna eru ýmsar menningarstofnanir, þ.á.m. Borgarbókasafnið, sem hýsir forn handrit, og Sögusafnið í 15. aldar húsi fyrsta rúmenska skólans.  Þarna er einnig Barsovháskóli (1971).

Teiftónskir riddarar stofnuðu borgina árið 1211 og síðar réðu germanar henni og gáfu henni nafnið Kronstadt.  Hún varð miðstöð mótmælenda og varð mesta verzlunarborg konungsríkisins Transylvaníu.  Árið 1867 innlimuðu Ungverjar konungsríkið og árið 1920 fengu Rúmenar yfirráðin samkvæmt samningunum í Trianon.  Á áratugnum 1950-60 hét borgin Stalínborg.  Áætlaður íbúafjöldi árið 1989 var 252 þúsund.