Alba Iulia er borg í Hunedoara-héraði við Muresul-ána í Mið-Rúmeníu.  Borgin skiptist í efri hluta, kastalann, sem Karl V!, keisari Hins heilaga rómverska ríkis, lét reisa á árunum 1716-35 og neðri hluta með fallegri dómkirkju og Batthyaneum (safn frá 1794).  Dómkirkjan var byggð á 11. öld og endurbyggð á 15. öld í gotneskum stíl.  Borgin stendur á hinu forna borgarstæði Rómverja, Apulum, og í safninu eru margir munir frá þeirra tímum til sýnis.  Grafhvelfing ungverska föðurlandsvinarins János Hunyadi er í Alba Iulia.  Áætlaður íbúafjöldi árið 1989 var rúmlega 72 þúsund.