Samgöngumálum var lítið sinnt áður fyrr en mikið átak var gert í þeim málum eftir aðildina að ESB.  Fjögurra akreina hraðbraut var byggð milli Lissabon og Porto og sams konar vegir eru í byggingu milli þessar borga og Spánar.  Þjóðvegir tengja stærstu borgir, landamærin og mikilvægustu hafnarborgirnar.  Sveitavegir liggja á milli allra staða inni í landinu og stöðugt er verið að bæta vegakerfið.  Margir aðalvega landsins voru lagðir í frumbernsku landsins.  Áætlanir frá fyrri hluta nínunda áratugarins náðu til lagningar háhraða járnbrautar milli Lissabon og Madrid.

Alþjóðaflugvöllurinn Portela í Lissabon er miðstöð millilandaflugsins og portúgalska ríkisflugfélagsins TAP (Transportes Aéreos Portugueses), sem annast áætlunarflug innanlands og utan.  Áætlanir eru uppi um byggingu stórs alþjóðaflugvallar handan Tagusárinnar við Lissabon.  Mikilvægir flugvellir eru við Porto og Faro.