Gdynia er hafnarborg og sjóherstöð í samnefndu héraði í Norður-Póllandi við Danzigflóa (Eystrasalt) nærri Gdansk.  Eftir fyrri heimsstyrjöldina fóru mestir flutningar á sjó um Danzig (Golansk), sem var fríríki undir vernd Þjóðabandalagsins.  Árið 1924 hófu Pólverjar byggingu nýrrar hafnar í Gdynia, sem var þá fiskibær með 1500 íbúa.  Áratug síðar var hún orðin að mikilvægustu hafnarborg Austur-Evrópu með aðstöðu fyrir hafskip.  Skömmu eftir innrás Þjóðverja 1939 voru íbúar Gdynia 120 þúsund talsins.  Þjóðverjar nefndu borgina Gotenhafen.  Sovézkar og pólskar hersveitir ráku Þjóðverja brott úr borginni 1945.  Áætlaður íbúafjöldi 1989 var 250 þúsund.