Þjóðgarðurinn umkringir Jostedalsjökulinn, sem er stærsti hveljökull meginlands Evrópu.  Út frá honum skríða margir skriðjöklar.  Í þjóðgarðinum eru einnig margir smájöklar.  Jöklar og vatn hafa mótað landslagið og þar er fjöldi jökulaldna auk margra jarðfræðilegra fyrirbæra.  Fåbergstøls-grandane er stærsta aurasvæði Noregs.  Landslagið umhverfis jökulinn einkennist af andstæðum.  Á litlu svæði er útsýnið fjölbreytt yfir firði, gróna u-dali með bændabýlum og hefðbundnum landbúnaði, auðnir fjallanna og jökla, sem rísa 2000 m.y.s.  Straumharðar ár og fossar falla í þrepum niður hlíðarnar.  Stærstar þeirra eru Stryn og Loen.  Þjóðgarðurinn er eitt stærsta auðnarvíðerni Suður-Noregs. 

Nokkrir daljöklanna eru meðal vinsælustu ferðamannastaða landsins.  Friðland Nygardsjökuls er við mörk þjóðgarðsins.

Fyrrum lágu alfaraleiðir yfir Jostedalsjökul milli vesturdalanna og Sogns og suðausturhluta landsins.  Nautgripir og hestar voru reknir yfir hann til markaðanna í austurhlutanum.  Slíkur rekstur væri hættulegur og erfiður nú, því rýrnun hans hefur valdið fjölgun sprungna og gert jaðra hans brattari.  Hann hefur löngum laðað að sér göngufólk.  Skíðaferðir um hann verða vinsælli með árunum en án þekkingar og rétts útbúnaðar er hann hættulegur skíðafólki.  Gömlu leiðirnar í dölunum umhverfis jökulinn, s.s. Oldeskarð, eru vinsælar gönguleiðir.  Sumir daljöklanna (Briksdalsjökull, Bøyajökull og Nigardsjölkull) eru vinsælir ferðamannastaðir.  Þjóðgarðurinn tilheyrir Luster, Sogndal, Balestrand, Førde, Jølster, Gloppen og Stryn.

Vegir liggja að þjóðgarðinum úr dölunum (Jostedal, Veitastrond, Fjærland, Stardal, Oldedal og Lodal).  Gestir nýta sér tjaldsvæði, gistihús og hótel í dölunum utan þjóðgarðsins og smáhýsi í nokkurra klukkustunda göngufjarlægð frá þjóðvegunum innan þjóðgarðsins.

Í grennd við þjóðgarðin eru nokkrar gestastofur:  Í þjónustumiðstöð þjóðgarðsins, Norska jöklasafninu og Jöklaheimsmiðstöðinni.