|
WONSAN
Wonsan
er hafnarborg í suðausturhluta landsins við fjörð inn úr Kóreuflóa.
Hún hefur náttúrulega höfn og er viðskiptamiðstöð stórs
landbúnaðarsvæðis og gullnámusvæðis.
Afkoma hennar byggist líka á fiskveiðum og vinnslu, járnbrautaverkstæðum,
hrísgrjónavíngerð og olíuhreinsun.
Útflutningur byggist aðallega á hrísgrjónum, fiskafurðum,
timbri, graffiti og sojabaunum. Beinar
flugsamgöngur eru við borgina og þar er líka verksmiðja, sem annast
ýmiss konar tilraunaframleiðslu fyrir fiskiðnaðinn.
Japanar þróuðu borgina og hafnaraðstöðuna til þess nútímahorfs,
sem þá gilti og umbætur hafa verið gerðar síðan.
Þarna var ein af stöðvum japanska sjóhersins í síðari
heimsstyrjöldinni. Borgin
varð illa úti í Kóreustríðinu.
Áætlaður íbúafjöldi árið 1984 var 350 þúsund.
NAMP’O
Namp’o
er hafnarborg höfuðborgarinnar P’yongyang í vesturhluta landsins.
Afkoma hennar byggist líka á fiskveiðum og vinnslu og iðnaði.
Þar er stór skipasmíðastöð og verksmiðjur, sem framleiða
rafskaut og gler. Vöxtur
borgarinnar hófst upp ur 1897, þegar höfn hennar var opnuð fyrir
erlendum viðskiptum. Áætlaður íbúafjöldi árið 1984 var tæplega 700 þúsund.
SINUIJU
Sinuiju
er höfuðborg Norður-P’yongan-héraðs við ósa Yalu-árinnar við
Gulahaf. Hún var mikilvæg
samgöngumiðstöð, þegar brú var byggð yfir Yalu-ána til að
tengja hana við Dandong í Kína árið 1910.
Núna er Sinuiju stór járnbrautamiðstöð milli Norður-Kóreu
og Kína. Meðal mikilvægra
atvinnuvega er eiming áfengis, vinnsla sojabauna og framleiðsla efnavöru.
Borgin skemmdist mikið í Kóreustríðinu.
Áætlaður íbúafjöldi árið 1984 var 500 þúsund.
CH’ONGJIN
Ch’ongjin
er höfuðborg og miðstöð stálframleiðslu Hamgyong-héraðs í norðaustanverðu
landinu. Höfn hennar við
Japanshaf er íslaus á veturna. Meðal annarra iðnaðarvara borgarinnar eru, vefnaður, skip
og efnavara. Japan réði
borginni 1910-45 og efldu hana sem miðstöð iðnaðar.
Sama þróun hélt áfram eftir síðari heimsstyrjöldina. Áætlaður íbúafjöldi árið 1984 var 755 þúsund.
HOGNAM
Hognam
er hafnarborg og iðnaðarmiðstöð í Suður-Hamgyong-héraði við
Austur-Kóreuflóa og Japanshaf. Mikið
er framleitt af olíuvörum, hrámálmi, efnavöru og vefnaðarvöru.
Hongnam var lítið fiskiþorp fram til 1920, þegar Japanar hófu
þar mikla uppbyggingu iðnaðar. Það
varð illa úti í Kóreustríðinu.
Áætlaður íbúafjöldi 260 þúsund.
KAESONG
Kaesong
er borg í suðurhluta Norður-Kóreu, norðvestan Seoul í Suður-Kóreu.
Hún er miðstöð iðnaðar og viðskipta og þekkt fyrir postulínsframleiðslu.
Korn og ginseng er ræktað í umhverfi borgarinnar.
P’anmunjom, suðaustan Kaesong, var vettvangur vopnahléssamninganna,
sem leiddu Kóreustríðið til lykta 1953.
Árið 1965 byggðu Suðurkóreumenn friðarhöll á staðnum,
sunnan landamæranna til minningar um atburðinn.
Í Kaesong fundust fornar grafir kónga, enda var borgin miðstöð
menningar og setur konunga frá 10.-14. aldar.
Hún var höfuðborg Koryo-ættarinnar til 1392 og mongólar eyðilögðu
hana árið 1231. Borgin
var stundum kölluð Songdo og Kaijo á tímum Japana.
Áætlaður íbúafjöldi 1984 var 346 þúsund. |
