Ferðapappírar.  Allir ferðamenn, sem koma til landsins, þurfa að hafa gild vegabréf og áritun nema ríkisborgarar Indlands og Bútans.  Áritun til 30 daga dvalar fæst hjá sendiráðum landsins, en á landamærastöðvum og Tribhuvanflugvelli fást áritanir til viku dvalar.  Vikudvarlarleyfið fæst framlengt án vandkvæða hjá útlendingaeftirlitinu (Dillibazar, Kathmandu; opið sd.-föd. kl. 10:00-16:00 á veturna en 10:00-17:00 á sumrin).  Frekari framlengingar fást hjá útlendinga-eftirlitinu gegn fremur háu gjaldi og viðkomandi verður að sanna að hann/hún hafi a.m.k. US$ 5.- til framfærslu á hverjum degi.  Hámarksdvalarleyfi eru þrír mánuðir, en það fæst aðeins með samþykki nepönsku ríkisstjórnarinnar.  Þess verður að gæta, að leyfið gildir aðeins fyrir Pokhara, Chitwan, Kathmandu og svæði, sem hægt er að komast til á þjóðvegum landsins.  Sé fyrirhugað að fara til annarra svæða, verður að afla sérstaks gönguferðaleyfis.  Nokkur landsvæði eru lokuð útlendingum.  Bólusetningavottorða er ekki krafizt, en ráðlegt er að  hafa handbær lyf gegn hitabeltissjúkdómum.  Alþjóðlegt ökuskírteini gilda (vinstri umferð).

Tollur.  Tollfrjáls innflutningur ferðamanna:  200 vindlingar eða 20 vindlar eða sambærilegt magn annars tóbaks, einn lítri af sterku áfengi, tvær flöskur af bjór og hlutir til persónulegra nota (myndavélar með 15 filmum, vídeótökuvélar með 12 filmum, segulband, ferðaritvél og kíkir).  Fíkniefni, útvörp, vopn og skotfæri má hvorki flytja inn í né út úr landinu.  Sérstaks leyfis er venjulega krafizt fyrir útflutning dýra, loðfelda og fornmuna.  Sækja þar fum leyfi til útflutnings fornmuna hjá 'Department of Archaeology, National Archives, Ram Shah Path í Kathmandu (md.-föd. kl. 10:00-16:00), en þau fást ekki fyrir muni, sem eru eldri en 100 ára.  Komi fólk akandi á eigin farartæki, þarf það að hafa alþjóðlegt landamæraleyfi (Carnet de Passage en Douane).  Auk þess verður að láta skrá ökutækið hjá lögreglunni í Kathmandu við komuna þangað og fá leyfi og skráningarnúmer á það.

Gjaldmiðill.  1 nepölsk rúpía (nr) = 100 paisa (p); 50 p = 1 mohur (muhur).  Seðlar:  1, 5, 10, 20, 500 og 1000 nr.  Mynt:  2, 5, 10, 25 og 50 p (allar kringlóttar).

Heimilt er að flytja inn ótakmarkaðar upphæðir í erlendum gjaldeyri nema indverskar rúpíur, sem einungis Indverjar og Nepalar mega flytja með sér.  Óheimilt er að koma með innlendan gjaldeyri með sér inn í landið.  Allir ferðamenn fá gjaldeyrisskírteini við komuna til landsins.  Það verður að nota við öll gjaldeyrisviðskipti og allar upphæðir eru færðar inn á það og stimplað að auki.  Við brottför frá landinu er hægt að skipta allt að 10% nr, sem ferðamenn hafa keypt í landinu, í erlendan gjaldeyri.  Samkvæmt síðustu ákvörðunum stjórnvalda verða ferðamenn að greiða hótelreikninga og ferðakostnað með erlendum gjaldeyri.  Bezt er að hafa undir höndum ferðatékka í US$, því að það er hægt að skipta þeim alls staðar í landinu.

Kreditkort (takmarkaðir möguleikar til notkunar):  American Express, BankAmericard (Visa), Diners Club, MasterCard (Eurocard).

Umferðarreglur.  Vinstri umferð.

Tungumál.  Nepali er hið opinbera og talaða mál í landinu (devanagari-stafróf).  Enska er víða töluð, einkum á ferðamannastöðum.

Klukkan.  Tímamunur milli Íslands og Nepal er +  6¾ klst.

Mál og vog.  Almennt er .  metrakerfið notað en víða er hið gamla, nepalska kerfi notað enn þá.

Rafmagn.  220 volta riðstraumur, 50 hertz.  Reikna verður með spennufalli og rafmagnsleysi á stundum.

Póstur og sími.  Flugpóstur til Evrópu:  Póstkort 125 p, bréf (10g) 250 p.  Póstkassar eru rauðir.  Þriggja mínútna símtal við Evrópu kostar u.þ.b. 180 nr.

Lögbundnir frídagar
11. janúar, 18. febrúar, 15. og 28. desember.  Auk þessara daga er fjöldi annarra frídaga, sem eru ekki fastbundnir.

Viðskiptatímar
Opinberar stofnanir:  Sd.-föd. kl. 10:00-17:00 (16:00 á veturna).
Sendiráð og alþjóðastofnanir:  Md.-föd. kl. 09:00-17:30.
Fyrirtæki:  Sd.-föd. kl. 09:00-17:30.
Ferðaskrifstofur eru opnar alla daga.
Helztu bankar loka kl. 15:00.
Verzlanir:  Sd.- föd. kl. 10:00-20:00; margar opnar á laugardögum.
Veitingahús og barir loka flestir kl. 22:00.

Fatnaður.  Á sumrin er léttur og víður klæðnaður nægilegur í Kathmandu og gott er að hafa regnhlíf við höndina á monsúntímanum.  Aðra tíma árs, einkum frá nóvember til febrúar, er nauðsynlegt að hafa hlýjan fatnað.  Í fjallaferðum þarf vind- og vatnsþéttan og hlýjan fatnað auk góðs fótabúnaðar.