|
Samgöngumál
hafa verið í brennidepli hin síðari ár vegna ferðaþjónustunnar.
Góðir vegir eru eingöngu í suðausturhlutanum.
Vegatenging milli austurs og vesturs á láglendinu er ekki til
og landsmenn nota enn þá múldýrastíga til flutninga.
Járnbraut
liggur á milli Janakpur og Bijulpura (50 km).
Á milli Kathmandu og Hetauda er 42 km löng strengjabraut, sem
er aðallega notuð til vöruflutninga.
Ríkisflugfélagið
Royal Nepal Airlines Corporation (RNAC) flýgur til og frá indversku
borgunum Dheli, Calcutta og Patna og annast innanlandsflug.
Næstmikilvægasta
atvinnugrein landsins er ferðaþjónustan, sem hefur vaxið mikið
á síðustu árum. Rúmlega
200.000 ferðamenn koma til landsins ár hvert, einkum til að njóta náttúrunnar
og dýrðar Himalajafjalla í gönguferðum.
Þessi fjöldi ferðamanna
er erfiður viðfangs fyrir landsmenn.
Hópar ferðamanna í gönguferðum nota miklu meiri eldivið,
sem er aðalorkugjafi landsins, en innfæddir, þannig að skóglendi
eru í hættu. Nú orðið
er varla hægt að finna tré í grennd við aðalbækistöðvar fjallgöngumanna
í hlíðum Mount Everest og landeyðing vegna veðrunar verður stöðugt
hraðari. Fjall-göngur eru
innflutt íþrótt, sem heimamenn skilja lítt og líta oft hornauga, því
að fjöllin eru bústaður guða þeirra.
Gjaldeyristekjur landsins af ferðamönnum eru tiltölulega
litlar, því að landsmenn verða að eyða a.m.k. tveimur þriðju
hlutum þeirra til innflutnings alls konar neyzluvara fyrir ferðamennina
sjálfa.
Koman
til landsins
Flugleiðis.
Það
er einn alþjóðlegur flugvöllur í Nepal, Tribhuvan, 6,5 km utan
Kathmandu. Royal Nepal
Airlines Corporation (RNAC) flýgur þrisvar í viku frá Hongkong, sex
sinnum frá Bangkok, daglega frá Dheli, tvisvar frá Calcutta og
Colombo og sex sinnum frá Singapúr til Kathmandu. Önnur flugfélög fljúga líka frá öðrum löndum til
Kathmandu.
Vegakerfið.
Tiltölulega
góður vegur liggur til landsins frá Indlandi.
Aðallandamærastöðvar eru Birgunj (í grennd við Raxaul í
Indlandi), Kakar Bhitta (frá Siliguri, Darjeeling og Assam) og Sunauli
(frá Dheli). Aðrar landamærastöðvar
eru: Rani Sikhiya (Kosi),
Jaleswor gadi (Seti) og Mahendranagar (Mahakali).
Skammt
er síðan hægt var að komast beint til Nepal frá höfuðborg Tíbets,
Lhasa. Þá er farið um
landamærin hjá Kodari (Vináttubrúin).
Járnbrautarsamgöngur
tengja Nepal Indlandi um Jaynagar, en ferðin endar 30 km innan landamæra
Nepals í Janakpur, þaðan sem verður að halda ferðinni áfram með
rútu.
Ferðir
innanlands.
Bílfærar
leiðir eru fáar í landinu. Beztu
vegirnir eru á Taraisvæðinu og á milli höfuðborgarinnar og ýmissa
stærri borga. Flugleiðin
er því greiðust.
Flugleiðis.
Haldið
er uppi reglubundnu flugi milli Kathmandu og flestra héraðshöfuðborga
landsins (Pokhara, Gorkha, Janakpur, Bharatpur, Biratnagar og
Nepalganj). Einnig er
oftast bezt að komast til upphafsstaða gönguferða með flugi upp í
fjöllin. Þess verður
þó að gæta, að flug til fjalla liggur niðri frá júní til
september ár hvert. RNAC býður
daglega einnar klukkustundar útsýnisflug umhverfis Mount Everest frá
oktober til marz, þegar veður leyfir.
Með
rútum
Þar
sem eini járnbrautarkaflinn í landinu, milli Janakpur og indversku
landamæranna, er ekki nema 30 km langur, fara farþegaflutningar að
mestu leyti fram með rútum. Þessum samgönguháttum eru þó miklar skorður settar
vegna fjalllendis og lélegra vega.
Rútur aka milli Kathmandu og Pokhara, Kakar Bhitta, Sunauli,
Birgunj, Narayanghat, Trisuli, Gorkha, Janakpur og Kodari.
Í
Kathmandu aka strætisvagnar um miðbæinn og til flestra úthverfa.
Fargjaldið er lágt, en oftast eru vagnarnir troðfullir og
sniglast áfram. Vagnar aka
frá Ratna Park til flugvallarins, Boudhnath og Patan.
Rafmagnsvagn ekur á milli Kathmandu (frá Tripureswor) til
Bhadgaon.
Með
leigubíl.
Það
er nóg af leigubílum í Kathmandu, en samt er erfitt að fá þá á
kvöldin, þegar þeir aka á hærra gjaldi.
Þeir standa flestir fyrir framan stóru hótelin á dagin og
fyrir utan dansstaðina á kvöldin.
Véldrifnu
þríhjólin (Tempo og Scooter) eru ódýrari.
Tempohjólin taka allt að sex farþega.
Þau standa oftast við Ratna Park, Rani Pokhari og í grennd við
pósthúsið.
Fótstignu
þríhjólin (Riksha) eru þægileg fyrir styttri leiðir í borginni.
Það
er hyggilegt að afla upplýsinga um gjald þessara farartækja á hótelunum
og semja um það við ökumennina áður en haldið er af stað.
Bílaleigur.
Það
er ekki hægt að leigja sér bíl án ökumanns.
Milligöngu annast
ferðaskrifstofur eða Avis ('Yeti Travels', Durbar Marg, s. 21 35 96)
og Hertz (Gorkha Travels, Durbar Marg, s. 21 48 95) í Kathmandu.
Skipulagðar
skoðunarferðir.
Ferðaskrifstofur
standa fyrir hálfs- og heilsdagsferðum um borgina, til Patan, Bhadgaon
og margra skoðunarstaða í dalnum og víðar (Dakshinkali,
Pashupatinath, Boudhnath, Swayambhu, Dhulikhel, Changu, Narayan og
Nagarkot). Þekktustu ferðaskrifstofur í Kathmandu eru:
Adventure Travel Nepal, Durbar marg, s. 21 53 07;
Annapurna Travel & Tours, Durbar Marg, s. 21 23 39;
Everest Express Travel & Tours, Durbar Marg, s. 21 32 84; Gorkha Travel & Tours, Durbar Marg, s. 21 48 95;
Himalayan Travels & Tours, Durbar Marg, s. 21 38 03;
Kathmandu Travels & Tours, Gangapath, s. 21 25 11;
Malla Travels & Tours, Lekhnath Marg, s. 21 66 37; Natraj Travel & Tours, Durbar Marg, 21 20 14;
Pokhara Travels & Tours, New Road, s. 21 20 38;
Shangrila Tours, Kantipath, s. 21 58 55;
Shankar Travels & Tours, Lazimpat, s. 21 34 94;
Yeti Travels, Durbar Marg, s. 21 12 34.
Gönguferðir.
Orðið
„trekking” er komið úr ensku. Þetta
hugtak nær yfir bæði léttar og erfiðar fjallgöngur eða gönguferðir
í fjalllendi. Landslagið
í Nepal er hentugt fyrir öll stig fjallgangna, bæði erfiðra og léttra.
Allir, sem hyggja á slíkar ferðir þar í landi, verða að
afla sér fjallgönguleyfis hjá útlendingaeftirlitinu í Kathmandu
(Dillibazar). Gönguferðatíminn
er frá septemberlokum fram í maí ár hvert.
Meðal
vinsælustu göngusvæða landsins eru Mount Everestsvæðið, héraðið
norðan Pokhara, Helambuhérað og svæðin umhverfis Gosainkunda- og
Raravötnin. RNAC flýgur
reglulega til þessara staða.
Auðveldari
göngur, sem taka einn eða fleiri daga, getur fólk skipulagt sjálft.
Nauðsynlega búnað og burðarmenn er hægt að fá í Kathmandu
eða Pokhara.
Þeir,
sem hyggja á lengri og erfiðari gönguferðir, verða að reikna með
nokkurra daga undirbúningi. Enginn
ætti að fara einn síns liðs í slíkar ferðir, heldur vera í hópi
ferðalanga, því að það er auðvelt að villast og þjófnaðir eru
tíðir. Í ferðum, sem ferðaskrifstofur skipuleggja, annast þær
allan undirbúning, s.s. útvegun leiðsögumanna, burðarmanna, tjalda
og matarbirgða.
Eftirfarandi
ferðaskrifstofur í Kathmandu annast skipulagðar göng-ferðir og
fjallgöngur: Annapurna
Mountaineering & Trekking, Durbar Marg, s. 21 27 36;
Himalayan Journeys, Kantipath, s. 21 58 55;
Himalayan Rover Trek, laximpat, s. 21 24 67; International Trekkers, Durbar Marg, s. 21 55 94;
Lama Excursions, Durbar Marg, s. 21 17 86;
Mountain Travel Nepal, Naxal, s. 21 28 08;
Natraj Trekking, Kantipath, s. 21 66 44;
Nepal Treks & Natural History Expedition, Gangapath, s. 21 29
85; Sherpa Cooperative
Trekking, Kamalpokhari, s. 21 58 87;
Sherpa Trekking Society, Ghantaghar, s. 21 24 89;
Trans Himalayan Trekking, Durbar Marg, s. 21 38 54.
Ferðir
í gúmmíbátum. Þessar
ferðir eru upplagðar til að kynnast landinu og iðka jafnframt
skemmtilega íþrótt. Í boði eru eins til níu daga ferðir á mismunandi straumhörðum
og ólgandi ám. Tveggja
til þriggja daga ferðirnar eru vinsælastar.
Þær hefjast einhvers staðar við veginn milli Kathmandu og
Pokhara og enda á Tarasvæðinu, þar sem hægt er að dvelja í
Chitwan-þjóðgarðinum í lokin.
Ýmsar
ferðaskrifstofur í Kathmandu annast örugga skipulagningu þessara ferða:
Himalayan River Exploration, Naxal, s. 21 28 08;
Nepal River Treks, Kamalpokhari, s. 21 58 87; Aarkey River Adventure, Kantipath, s. 21 66 44;
Lama Excursions, Durbar Marg, s. 21 17 86;
Glacial River Adventures, Kantipath, s. 21 35 33. |
