|
Árið 1162 varð Mónakó
að léni frá siglingaveldinu Genúa, sem innlimaði það síðan 1191
og lét byggja virki þar 1215. Um
sama leyti ákvað Francesco Grimaldi, kallaður Malizia, sem var af
einni hinna útskúfu aðalsætta Genúa, að ná Mónakó.
Ásamt vopnabræðrum sínum, dulbúnum sem Fransiskanamunkar, tókst
honum að komast inn í virkið, en tókst ekki að taka það.
Þessi atburður er enn þá sýnilegur í skjaldarmerki Grimaldiættarinnar
(elzta ríkjandi ætt Evrópu), þar sem munkar bregða bröndum.
Grimaldiættin náði síðan völdum í Villeneuve, Vence og
Anjou (Rainier I, 1267-1314), sem
greifinn í Provence, Karl II, lét henni eftir. Grimaldiættin
notfærði sér þessa aðstöðu til að komast yfir Mónakó og náði
þá líka yfirráðum í Roguebrune og Menton.
Á dögum Lúðvíks
13. varð Mónakó að frönsku verndarsvæði.
Á ýmsu gekk fram til 1814, þegar Grimaldum tókst að fá sjálfstæði
Mónakó viðurkennt. Ríkið
varð gjaldþrota undir Karli III, sem ákvað að finna lausn með
stofnun spilavíta í stað þess að skattpína þegnana.
Árið 1861 var 'Société des Bain de Mer' stofnað til að stjórna
spilavítunum auk gerðar íþrótta- og strandaðstöðu.
Fjár-hagurinn batnaði strax mjög.
Monte Carlo varð að heimsborg fjárhættuspilara og íbúafjöldinn
jókst. Síðar ákvað
Karl III, að ríkið yrði skattfrjálst vegna nægra tekna af
framangreindu fyrirtæki. Albert
I var mikill vísindamaður í haffræði og studdi þá grein af beztu
getu. Hann dó árið 1922
og sonur hans, Lúðvík II tók við.
Hann lét endurskipuleggja strandgötuna.
Er hann dó 1949, tók barnabarn hans, Rainier III við.
Hann kvæntist Grace Kelly árið 1956.
Skattfrelsið í Mónakó
hefur m.a. valdið mikilli eftirspurn eftir fasteignum og lóðum,
einkum sækjast erlend fyrirtæki eftir þeim.
Þetta gekk svo langt, að franska ríkið þóttist þurfa að
vernda hagsmuni sína og gerði samning við Mónakó, sem dró úr möguleikum
franskra fyrirtækja til fjárfestinga í Mónakó.
Árlegir
viðburðir
Allt frá Jóhannesargleði
(þjóðsöngvar) til galakvölda (góðgerðastarfsemi). Monte Carlo-rallið, sem hófst árið 1911 og endar eftir
erfiða keppni í borginni. Grand-Prix
keppnin var fyrst haldin árið 1929 á brautum í Mónakó.
Hallarhljómleikar, flugeldasýningar, ballethátíðir og
alþjóðlegar listahátíðir. Á veturna
er mikið um alls konar hljómleika, leiksýningar og dansleiki.
Mikið er um alls konar
ráðstefnur og haffræðingar sækja mikið rannsóknarstarfa í
Haffræðistofnuninni.
Ferðaþjónustan er orðin helzti burðarás greifadæmisins.
SKOÐUNARVERÐIR
STAÐIR
Suðrænn grasagarður.
Mikið um kaktusa (súlukaktus, cereus o.fl. teg.).
Dropasteinahellar
(558
þrep). Hálftíma skoðunarferð.
Kalksteinn frá ofanverðum júratíma.
Mannabústaðir á frumsteinöld fyrir allt að 200.000 árum.
Dropasteinar vaxa mjög hægt, u.þ.b. 5 sm á öld.
Fornleifasafnið.
Rómverskar minjar, forsögulegar minjar frá Menton
(Observatoirehellir sýnir negride eftir Grimaldi), hauskúpa og bein
Cro-Magnon-mannsins.
Sjóminja- og sædýrasafn,
sem Albert I stofnaði árið 1910.
St. Martin-garðurinn.
Afrískur gróður.
Furstahöllin,
Napóleonsafnið (rúmlega 1000 gripir).
Spilavítið.
Réttur klæðnaður. Mjög
gott útsýni. |
