Strendur og kóralrif.  Baðstrendurnar eru hreint afbragð, t.d. Playa Cocoteros og Playa Pancholo.  Sama er að segja um kóralrifin fyrir norðurströndinni.

*El Garrafón er yndisleg vík inn í suðurströndina.  Nafnið þýðir 'karaflan'.  Hún er náttúruverndarsvæði, sem er mjög vinsælt meðal kafara vegna fjölbreytileika sjávarlífsins.

Los Manchones er kóralrif utan El Garrafón.  Það er uppáhald kafara, sem geta fundir sofandi hákarla í hellum á 20-30 m dýpi.  Reglulega fara þar fram sýningar með höfrungum, sæljónum og sæfílum.

Hacienda Mundaca er fyrrum bústaður baskneska sjóræningjans og þrælasalans Antonio de Mundaca, sem bjó þar á 19.öld.  Húsið er fyrir ofan Playa Lancheros.

Maya-rústirnar á suðurhluta eyjunnar eru hinar athyglisverðustu.  Þær eru við vitann á suðuroddanum.  Þar var hof Ix-chel.  Frá höfðanum er gott útsýni yfir Karíbahafið til Cancúneyjar.