Aðalatvinnuvegur Malasiu er landbúnaður.  Þrátt fyrir að einungis 13% landsins séu ræktanleg (75% eru vaxin regnskógum), stendur hann undir fjórðungi brúttóþjóðarframleiðslunnar.  Malasia er sjálfri sér nóg með landbúnaðarafurðir og flytur mikið út að auki.  Vegna loftslagsins er kvikfjárrækt erfið.  Því er höfuðáherzlan lögð á alifuglarækt.  Hrágúmmi er aðalútflutningsafurð landbúnaðarins.  Malaysia framleiðir u.þ.b. 40% alls hrágúmmís í heiminum.  Því næst kemur pálmaolía, kakó, krydd (einkum pipar frá Sarawak) og grænmeti.  Útflutningur hitabeltistimburs hefur dregizt mjög saman á sl. árum, mest vegna þrýstings um varðveizlu skóga í heiminum.  Japan er stærsti viðskiptavinur Malaysiu, svo Singapúr, Bandaríkin og Evrópusambandslöndin.

Malasía er rík af jarðefnum.  Fyrrum beindist aðalathyglin að tinnámi, sem nemur nú u.þ.b. 25% heimsframleiðslunnar.  Á seinni árum hefur dæling olíu af landgrunninu unnið sér veigamikinn sess (einkum við norðurströnd Borneó).  Auk þessa er talsvert magn í jörðu af járni, báxíti, krómi, kopar, títani, mangani, silfri og gulli.  Vinnsluiðnaður verður stöðugt mikilvægari.  Nú eru flest Jarðefni annaðhvort hálf- eða fullunnin áður en þau eru flutt út.  Þessi starfsemi setur Malasiu þrepi ofar öðrum þróunarlöndum.  Malasía er þriðja ríkasta land Asíu á eftir Japan og Singapúr.  Stefnt er að því að auka stöðurleika efnahags- og atvinnulífs með því að minnka vægi erlendrar aðildar að þjóðarauðnum úr 50% í 30%.

Landbúnaður:  Hrísgrjón, hrágúmmí, kókoshnetur, pálmakjarnar, sykurreir, bananar, maniok (tapióka; rótarsafi til að þykkja með fljótandi matvæli m.a.) og te.
Jarðefni:  Olía, gas, tin kopar, járn, títan, gull, báxít.
Iðnaður:  Hrágúmmívinnsla, olíuhreinsun, sögunarmyllur, bílaverksmiðjur (Proton).
Innflutningur:  Vélar, elektrónískar vörur, farartæki, efnavörur, járn stál, jarðolía, matvæli.
Útflutningur:  Pálmaolía, hrágúmmí, þurrkaðir kókoskjarnar (kopra), te og tin.
Brúttóframleiðsla 29 milljarðar US $ árið 1988.