|
Vesturþriðjungur
landsins nær yfir flæðisléttu Efri-Rínar.
Hinir hlutarnir eru undirhlíðar Raetikon-fjallgarðsins, sem er
hluti Alpanna og rís hæst syðst (2438m).
Rín myndar vesturlandamærin og vatnasvið þveráa
hennar innan Liechtenstein er mestallt landið. Þarna ríkir Alpaloftslag með mildum vetrum (-1,1°C í janúar
og 21,1°C í júlí). Meðalársúrkoman
er 1016 mm. Flóra landsins
er fjölbreytt og sama má segja um dýralífið.
Þriðjungur landsins er skógi vaxinn og lauftré eru algengust
á láglendinu en barrtré uppi í fjallahlíðunum.
Meðal villtra dýra má finna dádýr, gemsur, refi, merði og
greifingja. Landið er fátækt af hráefnum, þannig að þau eru flutt
inn ásamt matvælum og 94% orkunnar, sem íbúarnir þarfnast eru
innflutt.
Íbúarnir.
Árið
1994 var Íbúafjöldinn 30.629. Þriðjungur
þeirra var útlendingar búsettir í landinu (191 manns á hvern ferkílómetra).
Höfuðstaðurinn er Vaduz (5000 árið 1992).
Lífslíkur eru í nánd við 75 ár meðal karla og 82 ár meðal
kvenna. Innfæddir íbúar
eru afkomendur germana (alamanni), sem settust þarna að í kringum 500
e.Kr. og flestir tala alamanni-mállýzku af þýzku.
Næstum 87% íbúanna eru rómversk-katólskrar truer.
Árið 1995 voru 1963 nemendur skráðir í barnaskóla og u.þ.b.
1600 í æðri skóla.
Efnahagsmál.
Þrátt fyrir smæð ríkisins, er efnahagslífið fjölbreytt.
Iðnaður, fjármálastarfsemi og ferðþjónusta eru öflugar
atvinnugreinar. Landbúnaðurinn
var höfuðatvinnuvegurinn fyrir síðari heimsstyrjöldina en nýtir nú
innan við 2% vinnuaflsins. Efling
atvinnulífsins eftir 1945 hefur gert Liechtenstein að einhverju ríkasta
landi heims. Meðaltal
vergrar þjóðarframleiðslu á mann árið 1994 var 37.180.- US$, sem
er sambærilegt við Sviss. Vöxturinn
tengist hagstæðu skattaumhverfi og bankaöryggi, sem hefur gert landið
vinsælt á alþjóðlegum fjármálamarkaði.
Tugir þúsunda erlendra fyrirtækja hafa skráð höfuðstöðvar
sína í landinu. Náin
tengsl landsins við Sviss eru einnig mjög mikilvæg. Svissneski frankinn er opinber gjaldmiðill
og þessi tvö ríki hafa sameiginlega tollgæzlu síðan 1924.
Langmestur hluti framleiðslu landsins er fluttur út, þar eð
innanlandsmarkaðurinn er mjög lítill.
Málmar, vélbúnaður, nákvæmnistæki, lyf og matvæli eru
flutt út. Sala frímerkja
er mikilvæg tekjulind. Flestir
ferðamenn, sem koma til landsins kaupa frímerki.
Stjórnsýsla.
Liechtenstein er þingbundið konungsríki.
Samkvæmt stjórnarskránni frá 1921 fer einnar deildar þing (Landtag)
með löggjafarvaldið. Þar
starfa 25 þingmenn, sem eru kosnir til fjögurra ára í senn. Prinsinn tilnefnir forsætisráðherra að tillögu þingsins
auk fjögurra ráðherra hans. Allt
frá 1938 hafa ríkisstjórnir verið samsteypustjórnir Samtaka föðurlandsvina
og Framsóknarflokksins. Sviss
hefur farið með utanríkismál Liechtenstein síða 1919. |
