|
Sendiráð
Laos
Sendiráð,
74, avenue Raymond Poincaré, F-75016 Paris, Frakklandi, sími 5 53 02
98 (nær yfir Þýzkaland, Austurríki og Sviss).
Heimilisföng
í Laos
Ferðamálaráð
Laos: Lao Tourism Office
(LTO), Samsenthai Road (við gosbrunninn), Vientiane, Laos.
Sími 29 98 og 32 54.
Ríkisflugfélagið:
Lao Aviation, P.O.Box 119, L Pan Kham Road (við Lane Xang hótelið),
Vientiane, Laos.
ATVINNUVEGIR
Laos
er enn þá vanþróað landbúnaðarland.
Aðalræktunarsvæðin eru í fljótsdölum Mekong-fljótsins og
þveráa þess. Mest er ræktað af hrísgrjónum (aðallega blautræktun),
meginfæðu íbúanna. Auk
hrísgrjóna er lítið eitt ræktað af maís, kartöflum, maniok, grænmeti,
sítrusávöxtum, melónum, tóbaki, kaffi, tei, jarðhnetum, indigo (dökkblátt
litarefni), baðmull o.fl. Afrakstur
akuryrkjunnar og ræktun húsdýra (nautgripa, vatnsbuffala, svína og
alifugla) beinist aðallega að innanlandsmarkaði.
Skógarhögg er smátt í sniðum, þrátt fyrir fjölda trjátegunda
og eðaltrjáa (tekk og mahóni). Fjallafólkið
brennir enn þá skóga til að ryðja sér akra.
Í „Gullna þríhyrningnum”, þar sem Laos, Tæland og Burma
mætast, mega þjóðflokkarnir rækta valmú(melasól; draumsóley) til
ópíumframleiðslu. Framleiðsla þess og viðskipti með eiturlyfin eru háð
„ströngu eftirliti ríkisins”.
Eftir
valdatöku kommúnista var komið á samyrkjubúskap 30 - 50 fjölskyldna
á hverju búi. Langtímaáætlanir
gera fyrst ráð fyrir framförum í landbúnaði og skógarhöggi og síðan
iðnvæðingu. Enn þá er
aðeins um smáframkvæmdir í vinnslu tóbaks, baðmullar og trjáa.
Einnig er lítið eitt framleitt af vefnaðar-, létta- og matvöru.
Ýmis
jarðefni eru víða
í jörðu: Tin, kopar, járngrýti,
kol og salt. Tin og salt
eru flutt út í vaxandi mæli.
Orkuvinnsla
fer fram við Nam-Ngum-stífluna, 90 km norðan höfuðborgarinnar
Vientiane, sem nýtur rafmagnsins að mestu ein.
AFÞREYING
og UPPÁKOMUR
Næturlífið
Í
raun og veru er ekkert alvörunæturlíf í Laos, ef frá eru taldir hótelbarir
og örfáir staðir, sem innfæddir geta bent gestum á.
Þessir staðir loka fyrir miðnætti.
Íþróttir
Það
er ekki um auðugan garð að gresja í þessum efnum í Vientiane.
Gestir Ástrala geta leikið tennis í orlofsklúbbi sendiráðsins
á bökkum Mekong.
VERZLUN
Á
morgunmarkaðnum við Avenue Lane Xang í Vientiane er hægt að fá
fallegan, handunninn silkivefnað og ísaumaða borða (oft með silfur-
og gull-þráðum) í takmörkuðum mæli.
Þar eru líka ofnir dúkar með gömlum munstrum, litaðir klæðastrangar
eða ísaumaðir og fatnað frá ýmsum landshlutum.
Við Samsenthai-götu, beint á móti Vieng Vilay hótelinu, bjóða
konur af Meo-þjóðflokknum (H'Mung) listmuni og litskrúðuga vefnaðarvöru.
Handavinna, s.s. dúkar, leirmunir og bambusflautur (khene) og aðrir
minjagripir fást í heimilisiðnaðarverzluninni við Luang-Phrabang-götu,
í 'House of Dolls' við Phon-Kheng-götu, í Impeng Boutique nærri
Vieng Vilay hótelinu, í búðum Lane Xang hótelsins og í flugstöðinni.
Gullsmiðirnir
við Samsenthai-götu bjóða silfurhálsmen, armbönd, úrakeðjur eða
laosk belti, sem þeir smíða eftir pöntun á nokkrum dögum.
Klæðskerar
í grennd við Vieng Vilay hótelsins sauma laoskar skyrtur, ef þeir
eiga nóg efni á lager.
Ríkiseinkasalan
fyrir útlendinga Magasin d’approvisionnement pour les missions étrangères
við Samsenthai-götu selur innfluttan dósamat, frosið kjöt, áfengi,
sígarettur og elektrónísk tæki á háu verði gegn greiðslu í US$.
MATUR
og DRYKKUR
Matur
Í
hinum fáu veitingahúsum höfuðborgarinnar er lítið framboð af réttum
landsins. Söluvagnar á götum úti bjóða aðallega hrísgrjónakúlur,
sem er difið í piparsósu eða paddek (gerjaður fiskur) og borðaðar
með steiktu hænsnakjöti eða grænu papæjasaladi.
Frönsk matargerð er enn þá í hávegum höfð í landinu.
Drykkur
Skyndibitastaðir
bjóða aðallega laoískt viskí (Lao Lao), sem er sterk útgáfa af
japönsku sake. Það er
ekki alltaf hægt að fá laoskan bjór og óáfenga drykki.
Innfluttir áfengir drykkir (vín, bjór og áfengi) bjóðast aðeins
í veitingastöðum og nokkrum börum, sem hafa leyfi til að afgreiða
útlenda gesti.
Veitingahús
Í
veitingastað Lane Xang hótelsins eru franskir réttir á matseðlinum
(greiðsla í US$). Aðrir veitingastaðir með franska rétti eru Le Sureya
(Souryia; andspænis skrifstofu 'Lao Aviation') og Nam Phou. Staðir, sem bjóða alþjóðlegan matseðil (vestrænan)
eru Peace (áður Apollo), La Pais (Rue du Boun) og Ban Phim (við
Luang-Phrabang-götu á leið til flugvallarins) og veitingastaður
Inter hótelsins. Margir
litlir veitingastaðir í grennd við Vieng Vilay hótelið við
Samsenthai-götu bjóða franskan mat og vín.
Australian Embassy Recreation Club'við Tha-Deua-götu býður meðlimum
sínum og gestum þeirra evrópska rétti.
Tan Dao Vien og Cocoa (við Rue du Boun) eru góðir kínverskir
veitingastaðir. Huong Lan
(á móti Tan Dao Vien) er góður víetnamskur veitingastaður.
Ódýr götuveitingahús er að finna í leikhúshverfinu.
Hótelin
bera fram evrópskan morgunverð. Gott
kaffi og franskir brauðsnúðar fást í Santisouk (áður La Pagode)
í grennd við íþróttavöllinn.
SAMGÖNGUR
í VIENTIANE
Samgöngur
í landinu eru enn þá að mestu vanþróaðar.
Mikilvægasta samgönguæðin er enn sem fyrr Mekongfljótið, en
þar eru víða flúðir, sem hindra siglingar.
Vegakerfið er u.þ.b. 8000 km langt og mestur hluti þess er í
Mekongdalnum. Aðeins 10%
þess er með bundnu slitlagi og fjórðungur þess er fær allt árið. Járnbrautir eru engar.
Við höfuðborgina er alþjóðlegur flugvöllur. Innanlandsflugið er í uppbyggingu.
Leigubílar
Ríkisreknu
leigubílarnir með marglitu merkingunum á framhurðunum aka um aðalgötur
borgarinnar og stanza þar sem beðið er um.
Bezt er að kynna sér verðið fyrirfram hjá Lao Aviation á
flugvellinum eða á hótelum, því að bílstjórnarnir eiga það
til, að krefjast allt of hás gjalds.
Strætisvagnar
Að
vísu eru margar biðstöðvar í Vientiane og fargjaldið með vögnunum
er mjög lágt, en það er frekar hending en hitt, að vagnarnir aki
eftir einhvers konar áætlun.
Þríhjólavagnar
Riksha
kallast hinir manndrifnu en Samlor hinir véldrifnu.
Hvorir tveggja eru mjög algengir í Vientiane og annars staðar
í landinu eru þeir aðalsamgöngutækin.
Fargjaldið með þeim er fremur hátt og fólk ætti að kynna sér
og semja um það áður en haldið er af stað.
Bílaleigur
Það
er hvergi hægt að fá leigðan bíl til að aka sjálfur og alþjóðlegar
bílaleigur eru ekki starfandi í landinu.
Skipulagðar
skoðunarferðir
Upplýsingar
um slíkar ferðir veitir LTO. |
