Landið
hefur verið undir stjórn emírs síðan það fékk sjálfstæði frá
Bretum 1961. Hann stjórnar
með aðstoð þings, sem fullorðnir, kúveizkir karlmenn kjósa til
starfa. Í stað stjórnmálaflokka,
sem eru bannaðir í landinu, starfa nokkrar klíkur, sem bjóða fram
til þingkosninga. Þetta
þing var leyst upp 1976, 1985 og 1999.
Í kjölfar upplausnarinnar 1999 var efnt til nýrra kosninga í
júlí og ermírinn lýsti því þá yfir, að konur fengju að kjósa
í framtíðarkosningum.
Réttarkerfið er margþætt. Íslömsk lög
gilda aðallega fyrir borgaralega dómstóla (fjölskyldu- og erfðaréttur).
Dómstólar, sem fjalla um viðskipti og glæpi eru einnig undir
áhrifum islam en þar ráða þó mestu lög í anda Ottómana og Evrópumanna.
Nokkur lægri dómstig og áfrýjunarréttir starfa einnig í
landinu. Emírinn hefur oft
úrslitavald í áfrýjunarmálum.
Heilbrigðismál. Velferðarmál eru velskipulögð í landinu.
Fátæklingar fá aðstoð,
margir fá lán til að hefja viðskipti, bæklaðir fá læknisþjónustu
og endurhæfingu og ólæst, fullorðið fólk fær menntun.
Félagsmálaráðuneytið býður lágtekjufólki fullbúið, félagslegt
húsnæði, sem það hefur efni á.
Heilbrigðiskerfið er háþróað og ókeypis.
Árið 1976 stofnaði ríkið sjóð fyrir framtíðarkynslóðir
og hefur lagt til hans 10% af tekjum sínum árlega.
Ríkið varð að taka af þessum sjóði á meðan hernám Íraka
stóð yfir.
Menntun.
Nálega 80% íbúanna eru læsir.
Almenn grunnmenntun er háð skólaskyldu fyrir ríkisborgara á
aldrinum 6-14 ára. Skólakerfið
er ókeypis með máltíðum, bókum, skólabúningum, samgöngum og
heilbrigðisþjónustu. Erlendir
nemendur stunda einkaskóla. Háskóli
landsins var stofnaður 1964. Langflestir
stúdentar við skólann eru Kúveitar og nærri 60% konur.
Nokkur þúsund stúdenta stunda nám við háskóla erlendis, aðallega
í BNA, Bretlandi og Egyptalandi og fá flestir námsstyrki frá ríkinu.
Daglegt
líf. Íþróttamenning landsins nær til íþróttagreina hirðingjanna
og vestrænna íþrótta. Veðreiðar
á hestum og drómedörum eru vinsælar og fálkaveiðar meðal ríka fólksins,
þótt lítið sé orðið eftir til að veiða.
Þessar veiðar liðu að mestu undir lok eftir 1990 vegna jarðsprengjuhættu
á veiðisvæðunum. Vinsælusut
íþróttagreinarnar eru knattspyrna og golf.
Ríkið hefur haft tök á að styrkja íþróttaiðkun veglega
en þátttaka íþróttafélaga landsins í alþjóðlegum mótum er háð
ýmsum pólitískum skilyrðum, s.s. að þeim er bannað að keppa við
írakska mótherja.
Upplýsingaráðuneytið
annast útgáfu dagblaða ríkisins og rekstur útvarps- og sjónvarpsstöðva.
Flestir prentmiðlar eru ríkiseign en þeir njóta talsverðs
frjálsræðis í efnistökum.
Eins
og víðast í Miðausturlöndum fóru kúveizkar konur að bera höfuðbúnað
(hijab) á áttunda og níunda áratugnum, þegar islamskir öfgamenn létu
sem verst. Á tíunda áratugnum
fóru fyrirætlanir ríkisins um aðskilnað kynjanna í háskólanum út
um þúfur. Réttur kvenna
til að aka bílum og vinna á almennum markaði hefur valdið deilum meðal
almennings og þegar þær fengu kosningarétt olli það klofningi meðal
múslima. |