Puerto Berrío er borg í Antioquiahéraði í Norðvestur-Kólumbíu við Magdalenaána.  Hún hefur verið mikilvæg samgöngu- og flutningamiðstöð síðan hún var stofnuð árið 1875 og miðstöð viðskipta og vinnslu timburs og landbúnaðarafurða. Sementverksmiðja og marmaranámur eru í grenndinni.  Hún er aðalhafnarborg héraðsins fyrir útflutning textílvara, kaffis og annars iðnvarnings frá Medellín.  Þangað liggja olíuleiðslur frá Mið- og Norður-Kólumbíu og Bedellín, Cali og Bogotá. Borgin er líka mikilvæg miðstöð járnbrautanna frá Popayán og Gaucadal, Santa Marta og Bogotá.  Flugvöllur er í grennd við borgina.  Áætlaður íbúafjöldi 1985 var 21.400.