Buenaventura er hafnarborg í Valle del Cauca-héraði í vesturhluta Kólumbíu á Cascajal-eyju, þar sem Dagua-áin fellur í Buenaventura-flóa.  Bærinn var stofnaður 1540 en varð ekki strax eftirsóttur vegna hitans og rakans og slæmra samgangna.  Á fjórða áratugi 20. aldar voru samgöngur bættar og umferð óx á vegum.  Höfnin var færð í nútímahorf og flugvöllur var byggður.  Nú er borgin aðalhafnarborg landsins við Kyrrahafið og um hana fer mikið af alls konar vörum, sykur, kaffi og baðmull frá frjósömum efri hluta dal Cauca-árinnar, timbur úr strandskógunum í suðvesturhluta landsins og mestur hluti gulls og platínu frá Chocó-svæðinu í norðri.  Höfnin þjónar líka fiskiskipum, sem veiða rækju til útflutnings, og þar endar olíuleiðsla, sem liggur um Cali.  Berrío-popayán-járnbrautin var mikil samgöngubót.  Áætlaður íbúafjöldi 1973 var 111.000.