|
Héraðið
Hunan í Mið-Kína afmarkast
aðallega af fljótinu Jangtsekiang í norðri og margkvíslaðri Cong
Ting Hu-ánni. Í austri,
suðri og vestri eru fjallgarðar.
Þetta er landbúnaðarhérað (hrísgrjón, korn, baunir, te, tóbak,
baðmull o.fl.). Mikið er um verðmæt jarðefni, s.s. antimon, mangan, blý,
kvikasilfur o.fl. Iðnaður
er í uppbyggingu. Járnbrautin
milli Beijing og Kanton liggur um þvert héraðið frá norðri til suðurs
og umferð um vatnavegi landsins er veruleg.
Changsha
(Tshangsha), héraðshöfuðborgin, er á austurbakka
Xiang Jiang. Hún er nátengd
nafni Maós, sem stundaði þar nám og starfaði sem kennari á árunum
1911-1923.
Árið
1972 voru þrjár Han-grafir
(206 f.Kr.-24 e.Kr.) opnaðar við
Mawangdu
(norðaustan Changsha). Í
þeim fundust m.a. rúmlega 2000 ára gamlan og velvarðveittan líkama
konu (markgreifafrúarinnar af Tai), sem hafði verið jarðsett í fjórfaldri
kistu. Einnig fannst silkibók
með teikningum mismunandi himinhnatta, halastjörnukort frá 4./3. öld
f.Kr. með lýsingum 29 halastjarna, silkirúllur, gullfjallað rósasilki,
lakkmuni, tréstyttur, matvæli o.fl.
Forngripirnir eru í héraðssafninu í Changsha.
Þorpið
Shaoshan,
fæðingarstaður Maós, er rúmlega 100 km suðvestan Changsha.
Fæðingarhús Maós er fjölsóttur minningarstaður.
HUBEI
Wuhan
er höfuðborg héraðsins Hubei (Hubai, Hupei,
Hupeh). Borgin varð til við
samruna bæjanna Wuchang, Hankou og Hanyang árið 1927.
Hún stendur nokkurn veginn miðleiðis við farveg Jangtsekiang
(Chang Jiang; Maó synti þar líka) við ármót Han Shui.
Þarna hófst uppreisn 10. oktober 1911, sem olli að lokum falli
Qingættarinnar. Nú er
borgin mikilvæg samgöngumiðstöð við norður-suður járnbrautina
milli Beijing og Kanton. Höfnin
og flugvöllurinn eru líka mikilvægar samgönguæðar.
Járn- og stáliðnaður er mikill og viðskipti mikil.
Hótel Qing-chuan (18 hæðir) gnæfir upp úr borgarmyndinni. Þótt Wuhan sé ekki sérstök ferðamannaborg, er gjarnan vísað
til hennar sem góðs dæmis um velheppnaða þróun iðnaðar, þegar hún
er sýnd gestum. Þá er
bent sérstaklega á Changjiang Daqiao, 1670 m langa bíla- og járnbrautarbrú,
sem rís 80 m yfir Jangtsekiang og er þýðingarmikil fyrir norður-suður
umferðina. Hún var byggð
á árunum 1955-1957. Í
hverfinu Hanyang er hofið Guiyuan Si (500 búddalíkneski frá Mingtímanum)
og Skjaldbökuhóllinn Gui Shan er í Wuchanghverfinu, Slöngufjallið
She Shan og Hong Shang (Rauðhóll) og 30 km² Dong Hu (Austurvatn), þar
sem er að finna Wuhanháskólann og Hubei-safnið.
Hægt
er að fara í siglingu á Jangtsekiangfljóti. Nánari
lýsing í kaflaum um Tshungking (Chongqing). |
