Leiðir til Kína
Flug  Mörg alþjóðleg flugfélög, þ.á.m. hið kínverska CAAC, halda uppi samgöngum við Beijing, Shanghai og Kanton frá öðrum helztu borgum heims.

Járnbrautir  Frá Moskvu er hægt að velja um 12 mismunandi járnbrautaleiðir til Beijing.  Aðalleiðin liggur út frá Síberíubrautinni um Ulan Bator í Mongólíu til Beijing (6 daga ferð).  Lengri hliðarbraut um Borzya (Rússlandi) liggur yfir landamæri Kína við Manzhouli.  Þaðan liggur leiðin til Hailar og Harbin til Beijing.  Þá er hægt að ferðast á járnbraut frá Hanoi (Viet-nam) og Hongkong.  "Central Kingdom-hraðlestin" er lúxuslest, sem brunar milli London og Hongkong.

Skip  Ferjur sigla reglulega milli Hongkong, Kanton og annarra nærliggjandi kínverskra borga.  Farþegaskip siglir á milli Hongkong og Shanghai á hálfsmánaðar fresti.  Ferjur sigla vikulega milli japönsku hafnarborganna Osaka og Kobe og Shanghai.

Innanlandsleiðir
Hópferðir  Þegar á dögum Marco Polo var næstum ómögulegt að komast til Kína án þess að njóta fylgdar sýnilegs eða ósýnilegs gestgjafa, sem bar ábyrgð á velferð gestsins.  Nú á dögum annast leiðsögumenn CITS (China International Travel Service) síaukinn fjölda erlendra ferðamanna og gæta þess, að ekkert fari úrskeiðis.  Þátttakendur í hópferðum eiga þess því engan kost að breyta ferðatilhögun nema e.t.v. smáatriðum.  Kínversku leiðsögu-mennirnir leyfa einstaklingum ekki að yfirgefa hópinn, nema þeir séu fullkomlega vissir um, að þeir komist til náttstaðar á eigin spýtur.

Hópferðafólk verður að vera viðbúið að hefja skoðunarferðir snemma á morgnana.  Brottför frá hótelum er venjulega kl. 07:00-08:00.  Dagskrá hvers dags skipuleggur staðarfólk, þannig að oft er skipt um leiðsögumenn.  Af þessum sökum verða oft mistök í samræmingu ferðarinnar, þar eð staðar-leiðsögumennirnir hafa ekki heildaryfirsýn.  Hvað sem því líður, eru langflestir gestgjafarnir ákaflega þægilegir og vinalegir og reyna af fremsta megni að verða við óskum gestanna og svara spurningum þeirra.  Margir ferðamenn verða hissa á því, hve hreinskilningslega leiðsögumennirnir tala um land sitt og ástandið þar.  Samt er ekki hyggilegt að reyna að draga upp úr þeim önnur sjónarmið en hin opinberu um viðkvæm mál eins og Taiwan-málið.  Þegar samband og traust hefur myndast milli einstaklinga og leiðsögumanns, er hægt að búast við opinskárri umræðum en ella.

Einstaklingsferðir  Hin síðari ár hefur ferðum einstaklinga um Kína fjölgað verulega.  Fólk, sem ferðast þannig, er ekki í vandræðum með að finna hagstæðar samgöngur, þótt þær séu víðast hvar ófullnægjandi.

Flugsamgöngur  Ríkisflugfélagið CAAC flýgur reglulega til og frá stærstu borgum landsins, t.d. daglega til Lhasa (Tíbet) frá Chengdu.  Það er einungis flogið í góðu veðri, þannig að búast má við verulegum töfum eða breytingum.  Það er bráðnauðsynlegt að bóka flug með löngum fyrirvara og sækja miðana eigi síðar en um hádegi daginn fyrir flug, ella fellur bókunin sjálfkrafa niður.  Tilkynningar um flug í flugstöðvum landsins eru venjulega bara á kínversku.

Kínverska stjórnin  viðurkenndi opinberlega, að CAAC flugfélagið gæti engan veginn annað öllum þeim fjölda, sem þarf og vill fljúga með því.  Áætlanir voru uppi um að stofna fleiri flugfélög eftir 1986 til að anna eftirspurninni.  Þá á Air China að annast millilandaflug og innanlandsflug á að vera í höndum China Southern Airways, China Eastern Airways og China Southwestern Airways.  Í einstökum héruðum var síðan áætlað að opna erlendu fjármagni leið til stofnunar einkarekinna flugfélaga.

Járnbrautir  Járnbrautarferðir gefa fólki kost á því að njóta fagurs landslags og kynnast lífskilyrðum íbúanna.  Járnbrautanetið liggur um allt land, nema Tíbet, og lestir bruna um aðalleiðirnar daglega.

Vögnunum er skipt í fyrsta og annað farrými.  Á 'bólstruðu' fyrsta far-rýminu ferðast erlendir gestir, kínverskt fyrirfólk og gestir þess en á trébekkjum annars farrýmis situr almenningur.  Vagnar fyrsta farrýmis eru flestir gamlir en velviðhaldið og erlendum gestum er stöðugt boðið upp á te.  Fyrir langar ferðir er hægt að bóka hvíldarklefa, þar sem er hægt að leggja sig.  Í matarvögnunum er borinn fram evrópskur eða kínverskur matur að vali gestanna.  Gæði kínversku réttanna eru meiri.  Mestu þægindin á fyrsta farrými eru í lestunum milli Kanton og Hongkong, m.a. litsjónvarp og dagblöð. Á leiðinni milli Beijing og Shanghai eru loftkældir vagnar en í öllum öðrum lestum þjóna opnir gluggar sama hlutverki.  Enn þá eru gufuknúnar lestir á mörgum leiðum.  Þær eru óþægilegar vegna hitans og sóts, sem berst inn um gluggana.  Skilti í brautarstöðvum  og á og í vögnum eru með skýringum á kínversku og latnesku letri.

Rútur  Ferðahópar aka um í loftkældum rútum.  Það er einstök upplifun og erfið að aka um í almenningsvögnum, sem eru oftast troðfullir.

Í borgum eru ferðir almenningsvagna á aðalleiðum mjög örar og gjaldið, sem er mjög lágt, fer eftir vegalengd.  Áletranir á vögnunum er bara á kíversku en þeir bera líka númer leiðar sinnar í Beijing, þannig að útlendingar geta líka notað þá auðveldlega.

Leigubílar  Í helztu borgum er nægilegur fjöldi leigubíla.  Þá pantar fólk í gestamóttöku hótelanna, verzlunum, veitingastöðum og upplýsingamið-stöðvum.  Þegar þeir eru pantaðir, verður að geta áfangastaðar og þjóðernis farþeganna.  Þeir, sem þurfa að nota leigubíla, er ráðlagt að hafa ætíð með sér nafn áfangastaðar á kínversku.  Venjulega verður að reikna með ákveðnum biðtíma áður en leigubílarnir koma, þannig að oft er skynsamlegt að halda bíl, sem hefur verið notaður í lengri ferðir, ef fyrirhugað er að nota leigubíl aftur að kvöldi sama dags.

Í nokkrum borgum eru enn þá leiguvagnar, sem karlmenn draga á eftir sér (rickshaw).

Bílaleigur  Það er ekki hægt að leigja bíl án bílstjóra í Kína.  Europcar leigir út bíla í Beijing (Beijing Hotel) og það er bezt að panta þá fyrirfram í gegnum ferðaskrifstofur.  Bílaleigan Hertz leigir út bíla í Kanton í gegnum Hongkong (102 Caxton House, 1 Duddell St., sími 522 10 13).

Skipulagðar skoðunarferðir annast ferðaskrifstofur viðkomandi ferða-hópa í samvinnu við Ferðaskrifstofu ríkisins í Kína.  The China Travel Service í Hongkong (27-33 Nathan Road, sími 3 66 72 01) annast margs konar ferðir til Kína, m.a. dagsferðir til Kanton, Shanghai og Beijing.

Það er skammt síðan kínverjar fóru að bjóða ferðamönnum að skoða Kínverska múrinn úr lofti úr þyrlum frá Badaling.

Siglingar  Á Jangtsekiangfljóti eru margar og mislangar skemmtisiglingar í boði.  Þær annast helzt Ferðaskrifstofa ríkisins í Kína í Beijing og bandaríska ferðaskrifstofan 'Lindblad Travel' (c/o Wiechmann Tourism Services, Droysenstr. 4, D-6000 Frankfurt/M., sími 44 60 02).  Þrjú skip, sem ferðaskrifstofan rekur sjálf með eigin áhöfnum, sigla frá marz til nóvember ár hvert.  Flaggskipið er Kun Lun, fyrrum kínversk lystisnekkja.