|
Suðurströndin
Greathead Bay
og Calliaqua Bay.
Suðurströndin er velbúin til ferðaþjónustu.
Þar eru gistihús, baðstrendur, bátahafnir, upplagðir staðir
til köfunar o.fl. Við
Aquaticklúbbinn eru steinristur frá forkólumbískum tíma.
Harmony Hall
sykurmyllan
er í grennd við Calliaqua hjá Ribishi.
Þessi vindmylla,
sem var reist á 19.öld, var hluti af sykurverksmiðju.
Young
Island
er 2 ha stór eyja fyrir framan Calliaqua Bay.
Hún er allt að 182 m há.
Þar er fallegt hótel og gaman er að skoða Duvernettvirkið
(1800) á klettahöfða.
*Queen's
Drive
er fögur leið frá Arnos Vale-flugvellinum upp á Dorsetshire
Hill og Sion Hill, þaðan sem er óborganlegt
útsýni yfir Kingstown, Charlotte-virkið og nærliggjandi búsældarlega
dali.
Vesturströndin
(Hlévegurinn)
Leiðin
meðfram vesturströndinni er mjög fjölbreytileg, fallegt landslag og vinaleg þorp, dökkleitar baðstrendur
(aska) og bananaekrur við Buccament, Spring Village og Richmont.
*Steinristurnar við Layou.
2
km norðaustan Layou eru einhverjar merkilegustu steinristur við Karíbahafið. Þær eru taldar vera frá því um árið 600 e.Kr.
Þær sýna andlitsmynd.
*Buccamentdalurinn
er austan Layou. Þar er náttúruverndarsvæði
með regnskógi, sjaldgæfum jurtum og dýrum (m.a. St.Vincent-páfagaukar).
Við hlið svæðisins er hótel með spilavíti og golfvöllur.
*Barrouallie
er skoðunarvert fiskiþorp. Við
bæjarmörkin er fornt steinaltari indíána.
Þaðan eru stundaðar hvalveiðar með átjándu aldar aðferðum. Hvalveiðitíminn er á vorin.
Chateaubelair og *Baleine-fossar. Vesturstrandarvegurinn endar nokkrum km norðan við
Chateaubelair. Þaðan
borgar sig að fara frá Richmondströndinni með bát 10 km norðar
til að sjá hina 18 m háu Baleine-fossa, sem falla niður brattar hlíðar
eldfjallanna. Miðleiðis
þangað er gömul byggð karíba, sem settust að á þessum afskekkta
stað til að vera í friði.
Austurströndin
(Áveðursvegur)
Þessi
leið liggur frá Kingstown til Fancy á norðurodda eyjarinnar.
Marriaqua-dalur
er
velnýttur til landbúnaðar á milli hárra fjallahryggja.
Þar eru ræktaðir bananar og fleiri nytjaplöntur til útflutnings.
Frá Montrealgörðunum er frábært útsýni.
Þar er líka að finna ölkeldur, sem hafa lengi verið notaðar
til heilsubótar.
Mesopótamíudalur. Nokkra km norðaustan Kingstown, er frjósamt dalverpi við rætur
hins 968 m háa fjalls Brand Bonhomme.
Niður hlíðar þess liðast fjöldi lækja.
Í dalnum eru ræktaðir bananar, kakó, örvarætur, brauðaldin,
múskathnetur og aðrir hitabeltisávextir.
Í þorpinu Mesópótamíu sameinast allir lækirnir og streyma
um Yambougljúfur fram í sjó. Steinaristur er að finna suðaustan þorpsins.
Þær eru taldar vera frá tímum siboney indíána.
Colonarie
er
miðstöð ræktunar örvarótar á miðri leið milli Kingstown og
Fancy. Þar er hægt að skoða verksmiðju, sem verkar ræturnar
til pappírsframleiðslu.
Georgetown
er einn stærsti bærinn á Atlantshafsströndinni norðan við
Colonaire Bay.
Rabacca
Dry River-dalurinn
er skoðunarverður. Árfarvegurinn
er oftast þurr, þar sem vatnið hverfur í gleypan jarðveginn.
Hér við austanverðar rætur eldfjallsins Soufrière er ein stærsta
kókosekra eyjarinnar (1300 ha). Þar
að auki eru ræktaðir bananar, sítrusávextir, kryddjurtir (múskat- og colahnetur; cola inniheldur kaffein) og
eggávextir.
Soufrière
er kleift úr Rabaccadalnum (1234m).
Gosin 1979 og 1980 breyttu útliti eldfjallsins.
Gígvatnið hvarf á meðan á gosunum stóð.
Ofan af fjallinu er geysivíðsýnt.
Hægt er að komast niður í átt að Chateaubelair á vesturströndinni. Bezt er að fara um fjallið í fylgd kunnugra og láta vita
um ferðir sínar (gestamóttöku í hóteli eða upplýsingamiðstöð
ferðamála).
Orange
Hill. Sé ekið áfram í norður frá Georgetown og fram hjá
Orange Hill er komið að kopraverksmiðju (kopra = þurrkaðir kókoshnetukjarnar).
Þaðan liggur vondur vegur alla leið til nyrzta oddans, Fancy. |
