Canouan er 8 km² og íbúafjöldi er 700.  Skammt er síðan eyjan varð að vinsælum ferðamannastað og Canouan Beach hótelið er talið meðal hinna allrabeztu við Karíbahafið.

Reglulegar flugsamgöngur milli Canouan og St. Vincent, Union Island, Mustique og Carriacou.  Ferjur sigla oft í viku milli Canouan og St. Vincent, Bequia, Mustique, Union Island og Carricou.  Hægt er að leigja báta til ferða til annarra nærliggjandi eyja.

Meðal fallegra og skoðunarverðra staða á eyjunni eru: Charlestown Bay, New Bay og Rameau Bay á vesturströndinni, Hyambook Bay og Maho Bay á norðurströndinni og Carenage Bay á austurströndinni.  Billy Hole og Cloey Hole á norðurströndinni eru ægifögur svæði.