Höfuðborgin (3.000 íb.) er hlémegin á eyjunni suðvestanverðri.  Gamli miðbærinn er í georgískum stíl og mörg húsanna voru byggð úr kjölfestugrjóti frá Dorchester í S.-Englandi.  Við höfnina stendur hið gamla pósthús og ríkissjóðshús.  Þar eru gefin út frímerki, sem koma blóði allra sannra frímerkjasafnara á hreyfingu.  Við hliðina er stríðsminnismerkið með fallegum, litlum klukkuturni.  Skammt fyrir ofan, við Þingstræti (Parliament Street) er dómshúsið frá 18.öld og meþódistakirkjan (19.öld).  Við suðurenda götunnar er markaðurinn, sem er opinn á laugardögum.  Rétt hjá honum er miðstöð heimilisiðnaðarins.  Katólska kirkjan (18.öld) og katólski skólinn eru í austurjaðri bæjarins.

*Rendezvous Bay er norðvestast á eyjunni.  Þar er eina ljósa baðströnd eyjarinnar og þangað kemst enginn nema frá sjó.

*Stóri Alpafoss (Great Alp Fall).  U.þ.b. 4 km sunnan Plymouth er þorpið Morris.  Þaðan er haldið inn í djúpan Hvítárdal (White River Valley) og upp á við að fossinum, sem steypist fram af 22 m hárrí brún niður í fallegan hyl.