Kúba Trinidad Karíbahaf,
Flag of Cuba


TRINIDAD
KÚBA
.

.
Booking.com


Utanríkisrnt.

Trinidad er í Sancti Spíritushéraði við sunnanverðar rætur Sierra del Escambrayfjalla, nærri suðurströndinni í 20 m hæð yfir sjó.  Íbúafjöldinn er 35.000.  Áætlunar- og leigubílar (deilibílar) frá Havana og Varadero.

Trinidad er ein elzta borg Kúbu.  Norðan hennar er fjalllendið Alturas de Trinidad, sem rís hæst í Caricia Blanca (1.150 m).  Vegna skorts á hagstæðum náttúrulegum skilyrðum og tiltölulega strjálla samgangna hafa nútímaframfarir farið fram hjá henni.  Þetta hefur leitt til þess, að gamli miðbærinn er lítt breyttur.  Hann hefur verið verndaður síðan á sjötta áratugnum og er vinsæll ferðamannastaður (Hin kúbverska Rothenburg).  Þar ægir saman nýklassískum- og barokstíl með márísku ívafi.  Þar eru glæsihús aðalsmanna og lítil hús, sem eru máluð í gulum, bláum og bleikum pastellitum.  Göturnar eru einkennilegar skipulagðar og lagðar stórum steinum, sem halla inn að miðju þeirra til að leiða brott vatn.

Sagan.  Diego Velázques stofnaði borgina árið 1514 í þeirri von, að gull fyndist í nálægum ám.  Trinidad var því einn fyrsti bærinn, sem spænsku sigurvegarnir byggðu.  Staðurinn varð þó undir í samkeppninni við Mexíkó, þaðan sem Cortes sendi miklu meiri verðmæti heim til Spánar.  Því varð bærinn líflegur umskipunarstaður fyrir vörur og þræla.  Sykurreyr var líka ræktaður umhverfis Trinidad þangað til þrælunum var gefið frelsi.  Þá hrundi sykurræktin og bærinn gleymdist.

Mayor-torg er miðpunktur borgarinnar með nokkrum borgarahúsum, sem hefur verið breytt í söfn.  Við norðvesturhlið þess er Humboldt-safnið, þar sem minnst er dvalar Alexanders von Humbolt á Kúbu árið 1801.

Palacio Brunet er við hliðina á Humboldtsafninu.  Höllin var byggð árið 1705 og hýsir nú safn húsgagna og listmuna frá 18.- og 19. öld.

Dómkirkjan fyllir út í sviðsmyndina við torgið austanvert.  Hún var byggð í lok 19. aldar. Við torgið sunnanvert er byggingarlistarsafnið.  Þar er meðal annars að sjá teikningar af spænskum nýlendu-byggingum.

Fornleifasafnið (Museo Arqueológico) er við torgið suðvestanvert.  Mest er um hversdagslegar minjar frá byggðum frumbyggjanna.

Calle Bolívar.  Við þessa götu er að finna fallegustu, endurnýjuðu hús við eina götu í Trinidad.  Steinlagningin (kísill) á götunni er líka velvarðveittur.  Við götuna er málverkasafn, borgarsafnið og hið frumlega Anti-Banditensafn.

Palacio Viznaya, norðvestan Mayortorgsins með 45 m háum klukkuturni, er í einkaeign.
Popakirkjan trónir á hól na miðbæjarins.  Þaðan er gott útsýni yfir borgina og ströndina.

Umhverfi Trinidad
*Playa Ancón og La Boca.
  Ancón-nesið er nokkrum km suðvestan Trinidad.  Þar er 5 km löng karabísk draumaströnd með fáum hótelum.

Topes de Collantes er nútímalegur heilsubótarstaður 17 km norðan Trinidad í 800 m hæð yfir sjó og mjög fallegu landslagi í Escambrayfjöllunum.  Þar er boðið upp á alls konar heilsubótarmeðferðir og 1200 gistiherbergi í öllum gæðaflokkum.

Santi Spíritus, höfuðstaður héraðsins (70.000 íb.), er 70 km norðaustan Trinidad.  Sóknarkirkjan þar er velvarðveitt.  Hún er meðal elztu guðshúsa á Kúbu.  þar er og merkilegt nýlendulistarsafn og þrælasafnið í Honoratiogarðinum.

Presa Zaza, stærsta vatnsmiðlun Kúbu, er austan Santi Spíritus.  Í bæjum umhverfis þetta fiskisæla vatn hafa byggzt upp ferðamannastaðir.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM