Holguin er u.þ.b. 175.000 manna höfuðborg Holguinhéraðs í fjalllendi Maniabón á suðaustanverðri eyjunni.  Flugsamgöngur við Havanna auk vegasambands og járnbrautasamgangna.  Höfnin Gibrara er í 30 km fjarlægð.  Í Holguin er mikið ræktað af sykurreyr og tóbaki og nautgripum.

Borgin var stofnuð á fyrri hluta 16.aldar.  Hún var miðstöð sjálfstæðisbaráttunnar á 19.öld.  Íbúum fjölgaði ört (1959 = 60.000), einkum eftir velheppnaða iðnvæðingu Kastróstjórnarinnar.  Leður, tóbaks-, timbur- og vefnaðariðnaður veitir fjölda manns vinnu. Auk þess eru mörg sérhæfð fyrirtæki í borginni, s.s. malbiksverksmiðja og smíði reyrskurðarvéla.

Playa Don Lino er lítil og góð baðströnd í skjóli kóralrifja við Atlantshafsströndina nærri þeim stað, þar sem Kólumbus steig fyrst á land á Kúbu árið 1492.

*Guardalavaca er draumabaðströnd 70 km norðaustan Holguin á Atlantshafsströndinni.  Hún er girt fjölbreyttum hitabeltisgróðri í hæðóttu landslagi.  Kóralrifin meðfram ströndinni veita gott skjól og góð skilyrði fyrir kafara.  Í grenndinni hafa fundist merkiar minjar um tainoindíánana, frumbyggja eyjarinnar.