54 km². Íbúafjöldi 9.000.  Tortola er stærsta eyjan og þar er höfuðborgin Road Town, sem er stjórnsýslumiðstöð eyjanna.  Í suðvestri skilur sundið "Narrows" (Þrengsli) hana frá Bandarísku-Jómfrúareyjum.  Í suðaustri er Francis Drake sundið á milli hennar og Norman Island, Salt Cay, Cooper Island og Ginger Island.  Tortola er fjalllend (Mount Sage 543 m).  Suðurhlutinn er vaxinn runnagróðri og lágvöxnum trjám.  Norðurhlutinn er vaxinn banana- og mangótrjám og pálmum.

Road Town er á suðurströndinni við Road Bay.  Þar er hafskipa- og smábátahöfn (leigubátar). Nokkur gömul hús og skrautlegar verzlanir setja skemmtilegan svip á bæinn.  Rústir virkis standa á hæð við bæinn. 

Wickham's Cay er skemmtilegur orlofsstaður við norðurmörk bæjarins.  þar eru hótel, sumarhús, veitingastaðir og bátahöfn.

*Mount Sage (þjóðgarðurinn) er á suðvesturhluta eyjarinnar.  Þar er að finna leifar regnskógar og göngustígar liggja um hrífandi landslagið.  Ofan af fjallinu er góð útsýni til allra átta.

West End er skammt frá vestasta hluta eyjarinnar.  Þaðan sigla ferjur til St. Thomas.

Road Bay, East End.  Strandvegurinn, sem liggur til austurs frá Road Town meðfram Road Bay, heldur áfram með vogskorinni ströndinni, sem er í skjóli kóralrifja.  Þar er gott tækifæri til köfunar.

Beef Island.  Handan East End tengir Queen Elizabethbrúin (byggð 1966) Tortola og Beef Island.  Hún liggur yfir Beef Islandsundið.  Á Beef Island er flugvöllur Tortola og nokkur gistihús.

Long Bay er góð baðströnd á norðurhlutanum.

Peter Island er fyrir mynni Road Bay.  Þar er fjölsótt höfn fyrir lystisnekkjur.
Frenchman's Cay er lítil eyja fyrir utan West End.

Jost van Dyke er lítil eyja með fallegum baðströndum norðvestan Tortola.  Þar bjuggu fyrrum kvekarar en nú dvelst þar einungis efnafólk til afslöppunar.