|
Charlotte
Amalie er á miðri suðurströndinni.
Eyjarnar Hasseleyja (í einkaeign) og Water Island skýla flóanum,
sem bærinn stendur við. Hann
teygir sig upp í hæðótt landslagið og norðvestan hans er Signal
Hill (427 m).
Þegar
á 18. öld var hafnarbærinn líflegur og fjölsóttur verzlunarstaður
og líka einn stærsti þrælamarkaður heims.
Ræktun sykurreyrs olli straumhvörfum og auðgaði
mjög. Nú er þjónusta
við ferðamenn
mikilvægasti atvinnuvegurinn. Fjöldi
skemmtiferðaskipa kemur ár hvert og ferðamennirnir, sem koma mest frá
N.-Ameríku, verzla mikið tollfrjálst.
King's Wharf, Fort Christian.
Austan bæjarins í grennd við konungsbryggju er virkið, sem
fyrstu dönsku innflytjendurnir byggðu árið 1672 og skírðu í höfuðið
á Kristjáni V. Inni í
virkinu er safn
helgað frumbyggjunum, arawak og karíbum, og danska tímanum.
Emancipation
Park
(frelsisgarðurinn) er norðvestan virkisins.
Hann er kenndur við afnám þrælahaldsins.
Miðbærinn. Gangi fólk frá frelsisgarðinum eftir Tolbod Gade (tollgötu)
í átt að aðalgötum bæjarins kemst það inn í miðbæinn. Í pósthúsinu eru veggmyndir eftir Stephen Dohanos.
Friðrikskirkja
er við Norregade. Hún er
lútersk og ein elzta bygging bæjarins (18. öld).
Ríkisstjórnarhæð
er innan seilingar, ef haldið er eftir
Kóngsgötu eða klifnar einhverjar af tröppunum upp úr bænum.
Þar uppi er hótel Lavalette House með fallegum inngarði,
sem franskur skipstjóri
reisti á f.hl. 18. aldar.
Stjórnarráðið
var aðsetur danska landstjórans og var byggt árið 1867.
Nú býr þar bandaríski landstjórinn.
Hluti hússins er opinn almenningi.
Þar er að finna veggmyndir og málverk úr sögu eyjanna, m.a.
verk franska impressjónistans Camille Pissarro, sem fæddist árið
1830 á St. Thomas.
99 þrep.
Milli hótels 1829 og ríkisstjórnarhússins liggur tröppugatan
99 þrep, sem liggur upp á
hólinn. Þar er
Crown House (18. öld), sem var reist fyrir háttsetta danska embættismenn.
Enn þá má sjá hluta gömlu innréttinganna í því.
Skytsborgvirkið, Blackbeard's Tower, Bluebeard's Tower. Skammt frá þrepunum 99 eru rústir Skytsborgarvirkisins
(Blackbeard's Tower; 17. öld) varðveittar.
Lengra uppi stendur Bluebeard's Tower, gamall varðturn sjóræningja,
sem nú er hluti hótelbyggingar.
Synagogue,
guðshús gyðinga, stendur á Synagogue Hill við Kristalhliðið.
Þetta er fyrsta guðshús gyðinga á bandarískri jörð.
Samkvæmt gömlum siðum er jörðin í kringum og undir slíkum
guðshúsum sandi stráð, sem táknar hinar mörgu ferðir gyðinga um
eyðimerkurnar eða útbreiðslu krisninnar.Markaðurinn er á
markaðstorginu, þar sem fyrrum var aðalþrælamarkaður.
French
Town
er lítið eitt utan við bæinn vestanverðan.
Þar bjó fólk af frönsku bergi brotið.
Þetta hverfi er líka kallað Cha Cha Town eftir strákofunum,
sem þar standa. Íbúar
hverfisins tala enn þá norður-franska mállýzku.
Orchidarium, Crown Mountain.
Orkideugarðurinn er við aðalgötuna.
Lengra kvíslast gatan og leiðin
til hægri liggur upp á Crown Mountain (460 m), þaðan sem er mjög
gott útsýni og hægt er að
halda áfram gangandi til norðurstrandarinnar.
Flugvöllurinn, Lindberghflói.
Vestan bæjar er flugvöllurinn, sem kenndur er við Harry S.
Truman. Sunnan hans er
Lindberghflói. Norðan
hans er golfvöllurinn.
Norðurströndin, *Magens Bay.
Handan hæðanna er norðurströndin, þar sem er meiri úrkoma
og rólegra en á suðurströndinni.
Atlantshafið teygir sig inn í Magensflóa. Frá Drake's Seat höfða, sem var varðstöð sjóræningja,
er frábært útsýni.
*Coral
World.
Austan Magensflóans er golfvöllurinn Mahogany Run.
Einnig er þar hægt að skoða lífríki sjávarins undir
yfirborðinu við Coki Beach (Coral World).
Þar sjást ýmsar tegundir kóralla, hákarla, skatna, barrakúda
og annarra sjávardýra. Þar
er veitingahús og tollfrjáls verzlun.
Redhook
Bay.
Þangað koma og þaðan fara ferjur til og frá St. John.
Bolongo
Bay
er sunnan Charlotte Amalie. Þar
er fjöldi hótela meðfram ströndinni.
Suðaustan Bolongo Bay er neðansjávarhellir á 10-20 m dýpi,
þar sem hægt er að virða fyrir sér stóra hákarla.. |
