|
 Port Antonio er í 0-150 m.y.s.
Fallegur bær með tveimur náttúrulegum höfnum á iðjagrænni
norðurströndinni. PA er aðalborg
héraðsins Portland. Þar
var fyrrum flutt mikið út af banönum en nú er mest byggt á ferðaþjónustu.
Spánverjar stofnuðu þennan hafnarbæ.
Hafnirnar eru kallaðar austur- og vestur-hafnir.
Þær eru girtar hæðóttu landslagi.
Hér lenti Bligh skipstjóri árið 1793 og flutti með sér
fyrstu brauðaldinin frá Tahiti.
Skoðunarverðir
staðir
*Fort
George (18. öld) stendur á hóli á nesinu Titch Hill á milli hafnanna.
Þaðan er fallegt útsýni, m.a. út á Navyeyju, þar sem er útivistarsvæði
og bátaleiga.
Dómshúsið
(18. öld) og sóknarkirkjan
(19. öld) eru í nýlendustíl.
Oliver
Park og Carder Park
eru við suðurhluta Austurhafnar.
Tveir fagrir garðar. Meðfram
Vesturhöfn eru lítil iðnfyrirtæki og skipasmíðastöð.
Folly
er nes, sem afmarkar Austurhöfn til norðausturs.
Þar eru rústir Folly Great House, húss, sem bandaríski milljónamæringurinn
Alfred Mitchell lét reisa 1906. Það
hrundi á fjórða áratugnum.
Umhverfi
Port Antonio
Baðstrendur.
Austan bæjarins eru mörg lúxushótel við stórkostlegar
strendur, þ.á.m. er *Frenchman's Cove.
*Blue
Hole
er smávík með þröngu viki, sem tengir hana hafinu.
Sjórinn í henni er fagurblár og stingur í stúf við safagrænt
umhverfið.
*Nonsuch
Caves
eru suðaustan PA í Seven Hills of Atheny (plantekrur).
Þar finnast steingervingar sjávardýra og plantna auk stórkostlegra
dropasteina. Leðurblökur
búa í hellunum.
Berrydale
er
sunnan PA. Þar er
upphafsstaður flekaferða á Rio Grande.
Bandaríski kvikmyndaleikarinn Errol Flynn er sagður vera
upphafsmaður þeirra. Þessar
siglingar taka 2-3 klst og eru iðkaðar á bambusflekum, sem voru
fyrrum notaðir til að flytja banana til strandar.
Rio Grande er stærsta á Jamaica.
Siglt er um hitabeltisskóg og fagurt landslag til Margret Bay
vestan PA.
Ferðir
frá Port Antonio
Frá
PA til Hector's River (84 km). |
