|
 Montego
Bay er á norðvesturströndinni í 0-100m hæð yfir sjó. Íbúafjöldi u.þ.b. 60.000.
Hún er næststærsta borg Jamaica og höfuðborg héraðsins St.
James. Hún var áður
mikilvæg útflutn-ingshöfn fyrir sykur en byggir nú að mestu á ferðaþjónustu,
því að þar eru frábærar baðstrendur.
Fjörðurinn, sem hún liggur við er girtur kóralrifjum og
umhverfið á landi er fjöllum girt.
Allt í kringum verzlunarhverfið teygjast fátækrahverfi.
Í norðurátt, meðfram ströndinni, standa hótelin í röð
allt að alþjóðlegum flugvelli borgarinnar.
Sunnan borgarinnar á fenjasvæði ósa Montego árinnar er nýtt
viðskipta- og iðnaðarsvæði með fríverzlunarsvæði.
Fólk úr millistétt og auðmenn búa einkum í hæðum og hlíðum
umhverfis borgina. Fátækrahverfi
umhverfis borgina hafa stöðugt stækkað allt frá 4. áratugnum
(shanty towns). Vöxtur í
iðnaði og ferðaþjónustu draga æ fleira fólk að úr dreifbýlinu.
Skoðunarverðir
staðir í Montego Bay
Sam
Sharpe torgið er aðaltorg borgarinnar. Sv
þess er dómshúsið (f.hl. 19. aldar) og na þess er gamalt fangelsi
frá nýlendutímanum, The Cage. Suðveatan
torgsins á horni Kirkjustrætis og Strandgötu er Strandleikhúsið.
St.
James sóknarkirkjan
stendur sa torgsins á horni Kirkjustrætis og St. Claver strætis.
Hún er í georgískum stíl (19. öld).
Hún var endurbyggð eftir jarðskjálftann árið 1957.
Andspænis henni er hið gamla og virðulega Town House.
Kirkjustræti. Þar eru margar endurreistar byggingar í georgískum stíl.
Heimilisiðnaðarmarkaðurinn
er
sunnar á leiðinni að brautarstöðinni.
Dómshúsið og miðborgarbyggingin.
Norðan við Sam Sharpe torgið við Fort Street er nýja dómshúsið
og pósthúsið. Þar er og miðborgarbyggingin með stærstu verzlunarmiðstöð
borgarinnar. Þar við hliðina
er bókasafnið og leikhúsið. Skammt
norðar er rómversk-katólska kirkjan.
Montegovirkið
er norðan miðborgarinnar, þar sem hótelhverfið byrjar.
Mirandahæðir. Meðfram ströndinni og Mirandahæðum eru lúxushótel í
fallegum görðum. Þau bjóða
gestum fjölbreytta möguleika til afþreyingar.
Fallegustu strandsvæðin eru Walter Fietcherströndin,
Cornwallströndin og Lodgeströndin.
*Doctor's
Caveströndin er frægasta ströndin við Montegoflóa.
Hún var þegar fjölsótt um síðustu aldamót. Sjóbaðameðferð sjúklinga dró þar einkum að gesti til
að byrja með. Þangað sóttu
aðallega auðkýfingar og aðalsmenn.
Sir
Donald Langsteralþjóðaflugvöllurinn
er lengra í norðurátt. Hann er mikilvægasti flugvöllur Jamaica og um hann fer u.þ.b.
1 milljón farþega árlega.
*Montego
Bay fríverzlunarsvæðið
og hafskipahöfn eru á fyrrum fenjasvæði árósa Montego árinnar.
Talsvert er um uppfyllingar, sem nýttar hafa verið undir fríverzlunarsvæði,
verksmiðjur og viðlegubryggjur.
Bogue-eyjar. Suðurstrandlengjan og Bogue-eyjar eru fenjasvæði vaxin
fenjatrjám.
Great River.
Ferðamálaráð borgarinna stendur fyrir ferðum á hverju kvöldi
þangað. Great River er suðvestan
borgarinnar. Þar siglir fólk
um á ánni, sem er upplýst er með blysum, borðar glóðarsteiktan
mat og nýtur þjóðlagakvölda.
*Landstjóralestin. Ferðamálaráðið annast einnig ferðir með díseldrifinni
lest til Appelton sykurverksmiðjunnar inni í landi.
Leiðin liggur um stórkostlegt hitabeltislandslag og fram
hjá alls konar plantekrum.
Stanzað er á athyglisverðustu stöðunum á leiðinni.
Skoðunarferðir
frá Montego Bay:
Frá
Montego Bay um Cockpit Country (hringferð 137 km).
Frá
Montego Bay um Negril til Black River (hringferð 248 km). |
