Conaives er höfuðborgin í Artibonitehéraði á norðvesturströndinni við sjávarmál.  Íbúafjöldinn er 40.000.  Flugsamgöngur við Port-au-Prince.

Þetta er falleg borg við skjólgóðan Gonaives-flóann.  Hún er mikillvæg fyrir baðmullar-ræktendur í nágrenninu, því að þar er stór spunaverksmiðja.

Hinn 1. janúar 1804 lýsti Jean Jacques Dessalines, leiðtogi uppreisnarmanna og síðar Jacques I keisari, yfir sjálfstæði landsins í borginni.  Hún var fyrrum mikilvæg fyrir útflutninga baðmullar og kaffis.  Skipulag hennar frá nýlendutímanum minnir helzt á skákborð.

Skoðunarverðir staðir
Markaðurinn (Marché) í miðborginni er litríkur.  Á 150 ára afmæli sjálfstæðisyfirlýsingarinnar voru minningardómkirkjan og nokkur minnismerki vígð.  Húsin í miðborginni minna á nýlendutímann, en í úthverfunum bera leirkofarnir svip af híbýlum til sveita. 

*Plaine des Conaives er landbúnaðarsvæði utan borgarinnar, sem erfitt er til ræktunar vegna þurrka en lögð er áherzla á plöntur, sem þrífast við þessi skilyrði.  Ýmis ríki hafa veitt   þróunaraðstoð til að gera brunna til að koma upp áveitum, þannig að hægt sé að auka  landbúnaðinn og gera hann fjölbreyttari á svæðinu.  Þessar framkvæmdir koma til góða a.m.k. 3000 smábændum og fjölskyldum þeirra, sem varla drógu fram lífið áður.  Auk vaxandi framleiðslu matvæla á svæðinu er ræktuð þar baðmull vegna sérstaklega góðra loftslagsskilyrða.  Baðmullarverksmiðjan í Conaives framleiðir líka olíu úr kjörnum jurtarinnar.