|
Cayes/
Les Cayes er í Suðurhéraði á
suðurströnd Suðurskaga við sjávarmál.
Íbúafjöldinn er 36.000. Flugsamgöngur
eftir þörfum við Port-au-Prince.
Les
Cayes er fjórða stærsta borg landsins og höfuðstaður héraðsins.
Frakkar stofnuðu hana árið 1719.
Símon Bólivar leitaði þar hælis árið 1815 og fékk vopn frá
Pétion forseta. Götur
borgarinnar er breiðar og hún hefur nokkra viðskiptalega þýðingu,
því þar er kaffiútflutningshöfn og ein hinna þriggja stóru
sykurverksmiðja landsins. Fyrir nokkrum árum jókst mikilvægi hennar við gerð þjóðvegar
nr. 200 til Port-au-Prince. Áætlanir
eru uppi um uppbyggingu iðnaðarsvæðis og endurbætur hafnarinnar.
Skoðunarverðir
staðir
Umhverfis
höfnina eru rústir varnarmannvirkja frá 18. og 19.öld.
Kaffisekkjum er skipað út með léttabátum.
Dómkirkjan og nokkur dæmigerð frönsk nýlenduhús eru skoðunarverð.
*Saut
Mathurine er fallegur foss, umgirtur þéttum gróðri og erfiður aðgöngu.
Hann er 30 km norðan borgarinnar við Camp Perrin.
Orkustofnun ríkisins hefur lengi haft augastað á honum til
orkuframleiðslu.
Citadelle
des Platons
er 750 m hár tindur 35 km norðvestur af borginni. Þar er legsteinn tónskáldsins Nicolas Geffrard.
Norðar er Pic de Macaya (2.347 m), hæsti tindur Hottefjallgarðsins,
sem er vestasti fjallgarður Suðurskaga.
Macaya
er
frábær strönd við hótel Macaya 26 km suðvestan Les Cayes. Áður en haldið er þangað er nauðsynlegt að kynna sér
ástand vegarins.
Ile
à Vache er fögur lítil eyja, sem borgar sig að heimsækja ef tími leyfir.
Hún liggur 11 km suðaustan Les Cayes og var, einkum á 17.öld, mikilvæg bækistöð
sjóræningja. Árið 1671 sigldi Henry Morgan miklum flota þaðan til að ræna og rupla
í Panamá.
Plaines
des Cayes
er einhver frjósamasta slétta landsins.
Þar eru smábýli og stórar sykurreyrsekrur. Einnig er þar ræktað talsvert af vétiver, sem unnin er úr
ilmolía. Víða er að
finna rústir herragarða frá nýlendutímanum.
Í rústum suðuhúsanna er víða að sjá vélahluta úr pottjárni,
sem gefa innsýn í tæknivædda sykurvinnsluna á síðustu öld.
Áveiturústir eru líka víða.
Ljóst er af öllu, sem finna má frá liðnum öldum, að ríkt
hefur blómaskeið (a.m.k. hluta af nýlendutímanum), sem kom aðeins fáum
útvöldum til góða. Oft
ber líka fyrir augu frumstæðar sykurreyrspressur smábændanna.
Þær eru oftast drifnar með nokkrum uxum og eftirsóttur
reyrsnaps eða púðursykur. |
