Puerto
Plata er höfuðborg samnefnds héraðs á norðurströndinni við sjávarmál.
Íbúafjöldi 83.000. Flug-samgöngur við Santo Domingo, New York, Miami, San
Juan, Toronto og Frankfurt/Main. Skemmtiferðaskip
koma oft frá Miami og San Juan.
Puerto
Plata er mikilvægasta hafnarborgin á norðurströndinni.
Hún er við hóflaga vík, sem áin Arroyo San Marcos rennu út
í. Loftslagið er þægilegt
vegna golunnar frá Atlantshafinu.
Landslagið umhverfis borgina er mjög fagurt og baðstrendur góðar.
Hin síðari ár hefur aðstaða til mót-töku ferðamanna verið
bætt og aukin og flugvöllur byggður, þannig að hagsæld hefur
aukizt. Einnig er vinnsla
hráefna úr jurtaríkinu (m.a. sykur) mikilvæg atvinnugrein.
Frumbyggjarnir,
ciguay-macorixe, sem þarna bjuggu, voru af arawakstofni og herskáir
mjög.
Flaggskip Kólumbusar strandaði skammt frá borgarstæðinu skömmu
eftir að eyjan hafði fundizt árið 1492.
Það var rifið og efnið notað til uppbyggingar þorpsins Navidad.
Þegar Kólumbus kom aftur þangað var það rústir einar, svo að hann
byggði upp þorpið Isabela, þar sem hann var viðstaddur fyrstu messuna
í bænum árið 1493 ásamt landkönnuðunum Juan Ponce de León og Alonso de
Ojeda og höfðingja innfæddra (konu), Anacaona.
Puerto Plata var stofnuð 1896.
Rafsafnið
er merkilegasti skoðunarstaður borgarinnar.
Þar er að finna stærstu og verðmætustu rafsteina, sem fundizt
hafa á jörðinni.
*Pico de Isabel de Torres
(793 m) er bezti útsýnisstaðurinn í nágrenni borgarinnar og þangað upp
liggur kapalbraut. Uppi á
toppnum er geysimikið Kristslíkneski á kúpullaga sökkli.
San Felipe-virkið
er á nesi austan hafnarinnar. Það var byggt á árunum 1520-1585 til varnar gegn árásum
indíána og sjóræningja.
Umhverfi Puerto Plata:
La Isabela.
Sé haldið í vestur frá Puerto Plata, síðan inn í land til Imbert
og síðan aftur til norð-vesturs í gegnum Luperon á ströndinni, er
komið að rústum bæjarins La Isabela, sem Kólumbus stofnaði 1493, og
spænska virkinu, sem byggt var síðar.
Norðurströndin
er einnig er nefnd „Costambar” vegna rafsteinanna, sem finnast í
fjöllunum sunnan fallegu sandstrandanna.
Fáum km austan Puerto Plata (skammt frá flugvellinum) er nýi
ferðamannastaðurinn
*Playa Dorada. Þar
eru 2000 gistiherbergi, golfvöllur (sem Robert Trent Jones hannaði) og
fleiri íþróttamannvirki.
Skammt austar er ferðamannastaðurinn Montellano, sem er nýlegur.
Sosúa.
Sé haldið meðfram ósnortinni strandlengjunni, sem oft er kölluð
„Langisandur”, í gegnum Monte Llano er komið til bæjarins Sosúa (8000
íb.) og fallegu strandarinnar þar.
Í síðari heimsstyrjöldinni var þar móttökustaður fyrir flóttafólk
af gyðingaættum frá Þýzkalandi og Austurríki og margir þeirra settust
þar að. Þetta fólk hóf
nautgriparækt og kjötvinnslu, sem er enn við lýði.
Maimón, Cabarete og Magante
eru frábærar baðstrendur norðaustan Sosúa, þar sem hafa verið byggð
góð hótel og íbúðir fyrir gesti.
Rio San Juan
er 60 km austar.
Á leiðinni þangað er farið um Sabaneta de Yásica og Gaspar.
Þar er fallegt lón, sem heitir Gri Gri.
*Playa Grande
er velútbúin baðströnd, góð gistiaðstaða, golfvöllur og fleiri
íþróttamannvirki.
Cabo Francés Viejo, Playa El Breton.
Austar, áður en komið er til Cabo Francés Viejo, liggur flakið af
„Concepción”, sem strandaði árið 1641.
Þar, suðaustar, er hin ágæta El Bretonströnd.
Cordillera Septentrional
er nyrzta fjalllendi landsins, suðaustan Puerto Plata.
Það er rómað fyrir landslagsfegurð. |