Higüey er höfuðstaður La Altagraciahéraðs í 70-185 m hæð yfir sjó.  Íbúafjöldinn er 35.000.  Flugsamgöngur eru á milli Higüey og Santo Domingo, San Juan, Miami og Toronto.  Áætlunarbílar aka á milli Higüey og Santo Domingo.  Borgin er á landslagsmörkum milli suðausturhluta Cordillera Oriental-fjalla og láglendis suðurstrandarinnar við ármót Rio Duey og Rio Yuma.

Borgin er einn mikilvægasti pílagrímastaður Latnesku-Ameríku vegna kirkjunnar Basilica de Nuestra Senora de la Altagracia.  Páll II páfi kom þangað í heimsókn árið 1984.

**Basilica de Huestra Senora de la Altagracia setur mikinn svip á borgina.  Hún er ein merkilegasta nútímakirkja í Latnesku-Ameríku.  Upp úr henni rís grannur oddbogi upp af stöllóttum bogaturni.  Meginbyggingin er gríðarstór og prýdd ahrifamiklum, steindum rúðum.  Hljómar kirkjuklukkanna eru tilkomumiklir, enda klukkukerfið hið stærsta sinnar tegundar í Ameríku.  Hinn 21. janúar ár hvert flykkjast þúsundir pílagrímar til borgarinnar til að sýna Maríu guðsmóður, verndardýrlingi landsins, virðingu.  Fyrirrennari núverandi kirkju var byggður á 16. öld og stendur enn þá.

Ponce de León-höllin er nýuppgerð og er skoðunarverð.

Ferð til Yuma-strandarinnar (hringferð; 74 km).
Ferð til norðurstrandarinnar (hringferð; u.þ.b. 200 km).