Trois-Rivières er borg í Saint-Mauricesýslu í Suður-Quebecfylki í Kanada við ármót Saint-Maurice- og Saint Lawrenceánna.  Þar er hafskipahöfn og miðstöð iðnaðar (pappír, rafmagns- og elektrónísk tæki, málmvörur, vefnaður, fatnaður, prentað mál og matvæli).  Þar er Quebecháskóli (1969), Marie-de-l’Incrnation-háskólinn, St. Josepp-prestaskólinn (1663) o.fl.  Meðal áhugaverðra staða eru Anglicankirkjan (1699, endurbyggð 1754), gotnesk dómkirkja frá 19. öld og Ursulineklaustrið (1697), þar sem er lista- og forngripasafn.

Trois-Rivières er meðal elztu byggða Kanada, frá 1634, þegar Samuel de Camplain, landkönnuður leiddi hóp Frakka þangað.  Byggðin óx sem skinnamarkaður og hafnarbær á 19. öld og fékk bæjarréttindi 1857.  Snemma á 20. öldinni voru reist orkuver við árnar og það hleypti nýju lífi í bæinn.  Borgin var orðin stærsti framleiðandi pappírsvara í kringum 1930.  Nafnið er dregið af skurðunum, sem Saint-Mauriceáin rennur um út í St. Lawrenceána.