Kelowna er borg í miðhluta Suður-Brezku Kólumbíu í Kanada við Okanaganvatnið.  Hún er miðstöð viðskipta, iðnaðar og ferðaþjónustu á ávaxtaræktar- og timburvinnslusvæði.  Helztu framleiðsluvörur borgarinnar eru timburvörur, matvæli, samgöngutæki og vín.  Hún er um miðbik Okanagadals, þar sem er fjöldi ávaxta- og vínekra.  Þar er stærsti vínframleiðandi fylkisins, sem hóf starfsemi 1932.  Kelowna er líka vinsæl meðal eftirlaunaþega, sem hafa flutzt til borgarinnar á síðari árum.  Nafn borgarinnar, sem þróaðist í skömmu eftir 1850 í kringum trúboðsstöð, er komið úr máli indíána og þýðir „grábjörn”.  Kelowna fékk borgarréttindi árið 1905.  Íbúafjöldinn 1986 var 61.213 og 75.950 árið 1991.