Kamloops er borg í Suður-Brezku Kólumbíu í Kanada við ármót Norður- og Suður Thompsonánna.  Hún er miðstöð viðskipta og flutninga og aðaliðnaðurinn er á sviði timburvinnslu, kornræktar og kvikfjárræktar, matvæla, olíuhreinsunar, koparvinnslu, ferðajþónustu, trjákvoðu- og pappírsframleiðslu.  Flathöfðar, eða öðru nafni Salish, voru fyrstu íbúar staðarins.  Evrópumenn komu sér upp verzlunarstað þar snemma á 19. öld.  Kamloops fékk borgarréttindi 1893 og norður- og suðurhlutar bæjarins sameinuðust 1967 og saman fengu þeir borgarréttindi 1973.  Nafn borgainnar er komið úr tungumáli salishfólksins og þýðir „Vatnamót”.  Íbúafjöldinn 1986 var 61.773 og 67.057 árið 1991.