Fredericton við St. John ána hefur verið höfuðborg Nýju-Brúnsvíkur síðan 1785.  Hún stendur u.þ.b. 135 km frá árósunum í suðurhluta fylkisins.  Þarna var áður franska virkið Nashwask (1692) og byggð Acadia, St. Anne’s höfði (1731), sem konungssinnar (tories) skipulögðu síðan 1785 og skírðu eftir Frederick, syni George III, konungi.  Eftir 1825 settist brezki herinn þar að og endurreistu varnarvirkin, sem nú eru þjóðarminnismerki.

Borgin er nú aðallega stjórnsýslusetur, mennta- og menningarmiðstöð.  Þar er fyrsti háskólinn, sem var stofnaður í Kanada 1785, Háskóli Nýju-Brúnsvíkur, og St. Thomas háskólinn, sem var stofnaður 1910.  Engilsaxneska Kristkirkjan (1845-53) er eftirmynd gotnesku St. Maryskirkjunnar í Snettisham, Norfolk, Englandi.  Í þingbyggingunni (1880) eru fuglamyndir eftir Audubon og eintak af bresku Dómsdagsbókinni (1783).  Beaverbrook listasafnið hýsir merkilegt safn verk frá 18.-20. öld, þ.m.t. málverk eftir Winston Churchill.  Í King’s Landing, 30 km vestar, er endurgert landnemaþorp konungssinna.  Aðalstöðvar riddaralögreglunnar eru í útjaðri borgarinnar ásamt rannsóknarstöð landbúnaðarins.  Meðal þess, sem framleitt er í borginni eru skór, kanóar, viðarvörur og múrsteinar.

Fredericton býr við talsverða bókmenntalega hefð, sem sera Jonathan Odell, ádeiluskáld í borgarastyrjöldinni í BNA, sem bjó þar, og rithöfundurinn Julia Catherine Hart (1796-1867) sköpuðu auk ljóðskáldanna Sir Charles Roberts (1860-1945), Bliss Carman (1861-1929) og Francis Sherman (1871-1926), sem fæddust þar.  Leikhús borgarinnar (Playhouse,Theatre New Brunswick) færir upp verk allt árið.  Íbúafjöldinn 1991 var 46.466.