Irbid er borg í Norður-Jórdaníu, þar sem voru byggðir manna á fyrri hluta bronzaldar.  Líklega voru þar biblíuborgin Beth Arbel og ein dekapolis-borganna, Arbila, á hellenskum tíma (1. öld f.Kr-2. öld e.Kr.).  Nú er þarna iðnaðarborg og miðstöð landbúnaðar í frjósamasta héraði landsins.  Fjöldi linda á svæðinu auk Yarmuk-árinnar sjá fyrir áveituvatni.  Yarmuk-háskólinn var stofnaður í borginni árið 1976.  Þar er kennt á arabísku og ensku í deildum fyrir listir, vísindi, efnahagsmál, menntun og verkfræði.  Áætlaður íbúafjöldi árið 1989 var 170.000.
Petra - Hallargrafhýsið