Sapporo Japan,
Flag of Japan


SAPPORO
JAPAN

.

.

Utanríkisrnt.

Sapporo er höfuðborg Hokkaido-héraðs við Ishikari-gawa (Ishikari-ána).  Borgin var skipulögð árið 1871 með breiðum, trjáprýddum breiðgötum, sem skerast í réttum hornum, og gerð að höfuðborg 1886.  Uppruna borgarinnar má rekja til þróunarvinnu hjá Byggingarstofnun ríkisins.  Nú er borgin mikil miðstöð viðskipta ásamt hafnarborginni Otaru við Japanshaf.  Mikið er framleitt af matvælum, byggingartimbri og prentuðu efni og útgáfustarfsemi er mikil.  Þarna er mikil járnbrautamiðstöð og Chitose-flugvöllur er nýttur fyrir innanlandsflug.  Á níunda áratugi 20. aldar var unnið að gerð ganga undir Tsugaru-kaikyo (Tsugaru-sund).

Sapporo er vinsæl miðstöð skíðaíþróttarinnar og annarra vetraríþrótta.  Þar voru Vetrarólympíuleikarnir haldnir árið 1972.  Árleg snjóhátið er mjög vinsæl og byggist verulega á gerð risamynda úr þjöppuðum snjó.  Hokkaido-háskóli (1876), Gakuen Kitami háskóli.  Mjög fallegur grasagarður er í borginni.  Áætlaður íbúafjöldi árið 1990 var tæplega 1,7 milljónir.

 TIL BAKA        Ferðaheimur - Garðastræti 36 - 101 Reykjavik - info@nat.is - Heimildir         HEIM