Niigata er höfuðborg Niigata-héraðs á Miðnorður-Honshu-eyju.  Hún er við strandjaðar Echigo-sléttunnar við ósa Shinano-árinnar.  Niigata var mikilvæg hrísgrjónahöfn við Japanshaf á höfðingjatímanum, þegar viðskipti við Suður-Kóreu og Rússland blómstruðu.  Nú fer mikið magn af innfluttum kolum og hráefnum um höfnina.  Í borginni er talsvert framleitt af efnavöru, baðmullarvöru, málmum, vélbúnaði, pappír og skip smíðuð.  Birgðir náttúrugass á svæðinu og nægt rafmagn frá vatnsorkuverum laða að stóra iðnframleiðendur.  Árið 1964 olli stór jarðskjálfti miklu mann- og eignatjóni.  Áætlaður íbúafjöldi árið 1993 var tæplega hálf milljón.