Toscana er 22.989 km² með u.þ.b. 3,5 milljónir íbúa.  Höfuðborgin er Flórens.  Landslagið er mjúkt og hæðótt með ökrum og vínekrum og sítrustrjám.  Maremmeströndin er við Tyrreníska hafið allt að Elbu.  Íbúarnir búa flestir á þéttbýlissvæðum Arnodals milli flórens og Livorno og á ströndinni til Carrara (marmari).  Lítil og fjölbreytt smáfyrirtæki eru mörg í héraðinu.  Námagröftur er tals-verður, s.s. járn, kvikasilfur, möl (lignít) og marmari.  Iðnaður, s.s. áhalda-, véla- og skipasmíði auk lyfja-, gler- kristalgerðar, húsgagna- og skósmíði, vefnaður og listiðnaður.

Uppi í fjöllum og í hæðunum er landbúnaður, hreinræktun og framleiðsla landbúnaðarafurða.  Vínrækt er mikilvæg, dökkrautt, mjúkbeizkt Chiantivín.  Kornrækt og ólífurækt.  Blómarækt og garðrækt í Arnodal og með ströndinni.  Ferðaþjónusta er mikilvæg í Flórens, Siena, Pisa, ýmsum heilsubótarstöðum og baðstöðum á ströndinni.

Grosseto er í 12 m hæð yfir sjó með 63.000 íbúa.  Miðstöð listmunaviðskipta í Maremmen.  Piazza Dante er umlukið múr með 6 vígjum.  Dómkirjan er frá 1294.  Sex km norðaustan Grosseto eru brennisteinshverirnir Bagno Roselle (25 m.y.s.).  Sex km þaðan til norðausturs eru rústir Rusellae (184 m.y.s.), einnar 12 aðalborga etrúska, m.a. 3 km langar leifar borgarmúra, 7-10 m hárra.

Piombino er í 19 m hæð yfir sjó með 40.000 íbúa.  Hafnarborg.  Ferjur til Elbu.  Bærin stendur á eyju, sem tengd var landi.

Populonia er í 179 m yfir sjó, 14 km norðan Piombina á sama höfða.  Nin gamla hafnarborg etrúska, Pupluna.  Þar eru 2,5 km langar leifar borgarmúrs.  gott útsýni frá höllinni (14.öld).  Neðan þorpsins er forn grafreitur etrúska.