Sikiley er 25.708 km² og íbúafjöldinn er u.þ.b. 4,8 milljónir.  Hún er stærsta og íbúaflesta eyja Miðjarðarhafsins.  Hún hefur heimastjórn og höfuðborgin er Palermo.  Hún skiptist í 9 héruð.  Hún er fjöllótt og eldvirk.  Aðalkennileiti Sikileyjar er hin snævi þakta eldkeila Etna, sem rís upp í 3.326 m á austurströndinni.  Etna er stærsta virka eldfjall Evrópu.  Aðalbyggðir eyjarinnar eru á frjósömu láglendi með ströndum fram.

Ör þróun í landbúnaði hefur gert Sikiley að einu mikilvægasta landbúnaðarsvæði Ítalíu.  Mikil ræktun grænmetis (tómatar, gúrkur, kartöflur o.fl.), trjárækt (sítrusávextir, möndlur, ólífur o.fl.), vínrækt (einkum á vesturströndinni við Marsala).  Inn til landsins, þar sem er þurrara loftslag, er stunduð akuryrkja (hveiti, baunir) og kvikfjárrækt (sauðfé og geitur).  Þrátt fyrir öra þróun, stendur gamalt lénskipulag enn frekari framförum lanbúnaðarins fyrir þrifum.

Saltvinnsla í Trápani.
Iðnaður er vanþróaður.  Olíuiðnaður við Syrakus og Gela.  Kalknámur komu í stað brennisteinsnáma áður.  Malbiksframleiðsla við Ragusa.  Marmaranámur og -vinnsla.  Tilraunir til aukinnar iðnvæðingar hafa dregið úr fólksflótta frá Sikiley til Norður-Evrópu.

Ferðaþjónustan verður æ mikilvægari.  Hvergi annars staðar má sjá betur varðveittar grískar minjar (hof) og merki um návist norrænna manna.

Hringferð um eyjuna er 930 km löng og á þeirri leið er margt athyglisvert að sjá.