|
 PIAZZA CAVOUR
er torg í gömlu miðborginni. Sunnan
þess byrjar hin fjörlega gata Via Febbraio.
Strax til hægri er "Caffé Pedrocchi", sem byggt var
1831 í klassískum stíl og var þá stærsta kaffihús Evrópu.
Það eyðilagðist gjörsamlega í s.h. en var endurbyggt í sömu
mynd og hafði mikla þýðingu fyrir endurreisnina.
Þar hittast nú prófessorar og stúdentar.
Skammt sunnar er Palazzo Municipale (ráðhúsið) með forhlið
frá 1930 og eldri bakhlið (16. öld).
Andspænis
því við austanverða Via Otto Febbraio er háskólinn, sem byggður
var á 16 öld. Í garði
hans og innandyra er fjöldinn allur skjaldarmerkja fyrirlesara, sem
nutu akademískrar virðingar. Við
hlið áheyrendasalarins er kennslustóll Galileos og fleiri nafntogaðra
prófessora og elzta kennslustofa í líffræði (1594).
Þar fóru fram fyrirlestrar um líffræði.
Tvær
götur liggja frá háskólanum til vesturs að Piazza delle Frutta og
Piazza delle Erbe.
Á
milli þeirra er *Salone eða
Palazzo della Ragione, dómshús, sem byggt var 1172-1219 og er nú
notað fyrir sýningar og ráðstefnur (inngangur frá Piazza delle Erbe
til hægri). Í því er 81
m langur, 27 m breiður og 27 m hár *salur, sem var endurbyggður
árið 1420. Þar er stór tréhestur (frá 1466), eftirmynd af
Gattamelatahesti Donatellos og á veggjum eru stjarnfræðilegar freskur
frá 15. öld (endurnýjaðar).
Dómkirkjan
er í háendurreisnarstíl með ófullgerða forhlið (1551-77).
Hægra megin við hana er Baptisterium, skrautleg bygging úr múrsteini
(13. öld) með athyglisverðum freskum eftir Giusto de' Menabuoi (um
1380).
Sunnan
háskólans er héraðsstjórahúsið (Präfektur).
Fyrir framan það er miðaldagrafhýsi hins þjóðsagnakennda
stofnanda borgarinnar Antenor.
* Sant' Antóniusarkirkjan
stendur við Piazza del Santo (Dýrlingstorg).
Óteljandi pílagrímar heimsækja gröf dýrlingsins Antóníusar
árlega. Hún er stórkostleg
súlnabygging (1232-1307) í rómönskum, gotneskum og býzantískum stíl.
Upphaflega gerði Donatello altarismyndina (1446-50) en síðan
1895 er þar að sjá gamlar *myndir af
englum að leika á hljóðfæri, greftrun Krists o.fl.
Við hliðina á kirkjunni er
* *Riddarastyttan Gattamelata
(Erasmo
da Narni var herstjóri Feneyjahers 1438-41.
Hann var talinn lipur diplómat og því nefndur dílótti kötturinn)
er stærsta bronsstytta sinnar tegundar allt frá fornöld.
Museo
Civico (borgarsafnið; lokað á
mánudögum), bókasafn, forngripasafn og málverkasafn (áætlað að
koma því fyrir í nýrri byggingu).
Sunnan þess er fallegur grasagarður, hinn elzti í Evrópu.
Skammt vestan hans er Prato della Valle, sporbaugslaga torg með
trjám og styttum af frægum íbúum Padua og háskólakennurum. Við suðausturhorn torgsins er hin stórkostlega kirkja.
Santa Giustina,
háendurreisnarbygging frá 1501-32.
Inni í henni, bak við háaltarið, er eitt beztu málverka
Paolo Veronese, píslarvætti heilagrar Justinu (um 1568) og í kórnum
er útskorinn predikunarstóll frá 1560.
Eremitani
Ágústínusarkirkjan frá 13. öld
skemmdist í s.h. en var endurreist. Í Ovetari kapellunni eru frægar *freskur eftir Mantegna.
Kapellan
Madonna dell' Arena (1303-05) var guðshús hallar, sem var rifin
1820. Í tunnulaga
hvelfingu hennar eru freskur** (1303-06) eftir Giotto, sem lýsa lífi
Maríu og Krists. Þetta er
fyrsta og umfangsmesta verk Giottos, sem hefur varðveitzt svona vel, og
er merkisteinn í sögu málverksins.
Nágrenni Padua:
Euganifjöllin
(Colli Euganei) eru suðvestan Padua og standa ótengd öðrum fjöllum
á sléttunni (Monte Venta 577 m).
Þessar hæðir urðu til í eldgosum og mikið er um hveri og
vinsæla heilsubótastaði (t.d. Abano Terme), þar sem stunduð eru
leirböð við öllum mögulegum kvillum, s.s. gigt.
Frá
Abano Terme er ekið um vínræktarhéruð
eftir Vínleiðinni (Strada dei Vini), þar sem framleidd eru hvít-,
rauð- og múskatvín. Fjórum
km vestan Abano Terme er Benediktaklaustrið Convento di Praglia, sem
stofnað var árið 1080.
Hverirnir
við Montegrotto Terme eru
vel þekktir. Þar voru nýlega
grafnar upp rústir rómverskra baða og leikhúss.
Strá
er 11 km austan Padua. Þar
var sumardvalarstaður Feneyinga. Í
útjaðri bæjarins á milli Brentaskurðarins og Veraro, sem fellur í
hann hér, er *Palazzo Pisani (eða Villa Nazionale; 18. öld).
Danssalur hallarinnar er prýddur loftmynd eftir Tiepolo (1762).
Este
er rúmlega 30 km suðvestan Padua.
Bærinn stendur við Monte Calaone (415 m), 15 m.y.s. Íb.
17.000. Hét í fornöld
Ateste og var undir yfirráðum furstaættarinnar í Este árin
961-1288. Í fyrrum Palazzo
del Castello eða Palazzo Mocenigo (16. öld) er *Museo Nazionale
Atestino, þar sem er að finna geysimargar minjar frá forsögulegum
og rómverskum tímum. U.þ.b.
15 km lengra til vesturs er bærinn.
Montagnana
(16 m.y.s.; íb. u.þ.b. 10.000) með *borgarmúrum frá miðöldum (24 turnar
með þaki), sem sjást bezt frá hringvegi um bæinn. |
