Hæsti staður þess er í 1.374 m hæð yfir sjó.  Það er lægsta leiðin yfir aðalfjallgarð Alpanna og jafnframt ein elzta samgönguleiðin yfir þá.  Hún var þegar notuð á dögum Rómverja.  Frá Innsbruck liggur járnbraut, þjóðvegur og hraðbraut um Brenner.  Hraðbrautin liggur um Wippdalinn, yfir ána Sill á Evrópubrúnni (815 m löng), sem er allt að 190 m ofar dalbotninum.  Þegar komið er yfir landamæri Ítalíu, er hægt að aka afarfagra og krókótta leið um Jaufenskarðið til Meranó og Bozen í Suður-Tíról (tæpast fært stórum rútum).